#أ_ب_تسويق_رقمي: مباديء التسويق الرقمي "Digital Marketing Fundamentals"

#أ_ب_تسويق_رقمي: مباديء التسويق الرقمي "Digital Marketing Fundamentals"

ناس كتير بدأت في الفترة الأخيرة يسمعوا عن مجال ال Digital Marketing ( وأنا كنت واحد من الناس دي بصراحة من سنتين، رغم إني شغال فيه ليا أكنر من 3 سنين :D ) وبقى عندهم شغف كبير إنهم يتعلموا المجال ده ويشتغلوا فيه ... لكن دايما بيكون السؤال: "أبدأ إزاي؟!" :) ... وما أخبيش عليكم على قد ما إجابة السؤال ده سهلة على قد ما هي صعبة في تنفيذها، لإن المجال كبير جدا، ولو انت من البداية مش هتتعب وتدور على المعلومة، أكيد مش هتقدر تكمل فيه، لاسيما ( حلوة لاسيما دي :D ) إن أي مجال تقني، وخصوصا ال e-Marketing، هتلاقي فيه كل لحظة جديد مش بس كل يوم ;) 

الأسبوع اللي فاتت كنت إديت Workshop عن مبادئ المجال بتاع ال Online Marketing مع فريق Google Student Ambassador - Assiut University، ونظراً لإن المكان كان ما يستوعبش كل الناس اللي كانت حابة تحضر، فأنا زعلت إن الخير ده مش كل الناس استفادت منه :\ ... فقولت لازم الناس كلها تستفيد، فتوكلت على الله وقررت إني أبدأ سلسلة كاملة لتعريف الناس بمجال ال Digital Marketing وسميتها (#أ_ب_تسويق_رقمي) ... 

عني شخصيا، أنا اشتغلت على Brands كبيرة يمكن من أشهرها Mousa Coast, Teama Milk, President, Lactel, Maybelline, Reny, AwfarMarket وفي Industries كتيرة أهمها Real Estate, E-Commerce, FMCG وممكن ترجعوا للأكونت بتاعي على LinkedIn هتلاقوا في التفاصيل الكاملة عني :D ... تعالوا نشوف قايمة الدروس:

• الدرس (0): يعني إيه تسويق رقمي "Digital Marketing"؟
• الدرس (1): يعني إيه تسويق "Marketing" أصلا؟
• الدرس (2): إزاي تعمل الخطة التسويقية "Online Marketing Plan"؟
• الدرس (3): الموقع بتاع شركتك "Your Website"
• الدرس (4): تسويق المحتوى الرقمي "Content Marketing"
• الدرس (5): تسويق وسائل التواصل الاجتماعي "Social Media Marketing"
• الدرس (6): تهيئة / تسويق محركات البحث "Search Engine Optimization / Marketing"
• الدرس (7): تسويق البريد الإليكتروني "E-Mail Marketing"
• الدرس (8): تسويق الموبايل "Mobile Marketing"
• الدرس (9): إزاي تقيس نجاحك "Web Analytics"؟

كل الفيديوهات هتلاقوها هنا: http://bit.ly/eMarketingBasicsVids

والكتاب هتلاقوه هنا: http://bit.ly/eMarketingBasicsBook

أنا عارف إني مش أحسن واحد يتكلم في المواضيع دي، وأكيد في أحسن مني بكتير وأكتر خبرة، بس أنا حبيت أشارك المعلومة البسيطة والخبرة المحدودة اللي عندي في المجال، كنوع من زكاة العلم، وأسأل الله إني أوفق في إني أوصل لكم أساسيات المجال وأحط رجلكم على أول الطريق ... 

ما تنسوناش من صالح دعائكم ^_^

أخوكم/ م. مصطفى عثمان
Digital Marketing Professional