#أ_ب_تسويق_رقمي: (8) تسويق الموبايل Mobile Marketing
مفيش شك إن استخدام الموبايل انتشر بشكل كبير، وبقى نادر جداً دلوقتي إنك ما تلاقيش أي حد معاه موبايل، ويمكن اللي ساعد على كدة هو إن الأجهزة دي حجمها صغير، وسهلة جدا في استخدامها، وكمان فيها إمكانيات كبيرة جدا ومتنوعة ... الانتشار الكبير ده والتطور التقني الكبير اللي فيها أدى إلى استخدام الأجهزة دي في الدخول على الانترنت ومواقع التواصل الاجتماعي، ويمكن في إحصائية قريبة كانت بتقول إن أكتر من 65% من اللي بيدخلوا الفيسبوك يوميا بيدخلوا عليه باستخدام موبايلاتهم ... كل ده وأكتر يخلينا ندي إهتمام كبير للموبايل ونعترف إنه وسيلة فعالة ومباشرة جدا في عملية التسويق، تعالوا نشوف إزاي ممكن نعمل تسويق متميز على الموبايل! ;)
إيه المزايا اللي في الموبايل وممكن أستفيد منها في التسويق؟
في خدمات كتيرة ومزايا في الموبايل ممكن تستخدمها في التسويق، يمكن أهمهم:
طيب، إزاي أعمل إعلانات على الموبايل؟
برده Google عندها Tool رائعة جدا مخصوصة لإعلانات الموبايل إسمها "AdMob" ونقدر من خلالها نعمل Ads لل App بتاع شركتنا سواء كان ع ال Android أو ال iOS وبرده مفيدة جدا لل Remarketing Activties ... وطبعا لو قعدنا نشرح الكلام ده تفصيلا مش هنخلص، يكفي بس إنك تعرفه :) ... وبالمناسبة، هنا برده عندي نفس أنواع الإعلانات بتاعة Google AdWords ياترى لسة فاكرينهم؟! :D
الكلام عن الموبايل ماركيتنيج كتير ومش هيخلص وهولسة مجال جديد ومش كتير يعرفه وحتى السوق لسة ما حسش بقيمته، يكفيك بس تكون عارف الأساسيات بتاعته ;)
إيه المزايا اللي في الموبايل وممكن أستفيد منها في التسويق؟
في خدمات كتيرة ومزايا في الموبايل ممكن تستخدمها في التسويق، يمكن أهمهم:
- SMS: ودي بيسموها خدمة الرسائل القصيرة "Short Messages Service" ويمكن منتشرة جدا في مصر إنك تلاقي الشركات بتبعت لك رسائل نصية عروض وخصومات في أي مناسبة، ويمكن أشهر شركة في مصر بتقدم الخدمة دي شركة إسمها SMSMisr, OTS وغيرهم
- MMS: إختصار "Multimedia Message Service" ودي زي ال SMS بس الفرق إنك ممكن تبعت صور وغيره، لكن ظهور الشبكات الاجتماعية وتكلفتها العالية خلت الناس تبطل تستخدمها
- Bluetooth & Infrared: استخدام البلوتوث كخدمة لنقل البيانات في الماركيتنج ممكن يفيد مثلا لو كنا في إيفينت وحابين ننشر للناس الماتيريالز اللي بنشرح منها أو غيره، ودي مجانية ومش بتكلف حاجة، بس استخدامها محدود شوية
- USSD (Unstructured Supplementary Services Data): ودي يمكن معظمنا يعرفها في خدمات فودافون، زي مثلا لما يقولك أطلب *777# عشان تعرف مين كلمك وموبايلك مغلق ... ممكن استخدمها مثلا في التسويق بإني أطلب كود من مزود الخدمة (وهو في حالتنا هنا فودافون) لمؤسسة 57357 مثلا للتبرع يبقى شكله كدة *57357*10# يعني أنا عاوز أتبرع ب 10 جنيه لمؤسسة 57357 :)
- QR Codes: واحدة من أشهر الطرق لربط التسويق العادي بالأونلاين ماركيتينج هي ال QR Codes، ودي يمكن أقرب مثال شوفتوه فيها هي اللي عملته Pepsi من سنتين في موضوع تحميل الأغاني بسحب ال QR، وأشهر موقع تقدر تعمل منه الكلام ده هو goqr.me
- Augmented Reality: من أفضل الطرق على الإطلاق على الرغم من إنها مش منتشرة لصعوبتها، وهي ربط الواقع بالخيال (الواقع الافتراضي) ويمكن لعبة صائد الحشرات أشهر مثال عليها لو فاكرينها :D ... لكن في الماركيتنج ممكن استخدمها مثلا زي ما عملت IKEA في إنك ممكن تفرش شقتك كلها بمنتجاتها من غير ما تتحرك من بيتك، حاجة روعة بصراحة والله ^_^
- Geo-Targeting: ودي من أكتر الطرق المفيدة في بناء علاقة رائعة مع عملائك، ويمكن معظمكم شافها لما دخل City Stars ولقيت جت لك رسالة ع الموبايل من Starbucks مثلا بيرحبوا بيك وبيقدموا لك عروض خاصة ليك، وهو فكرتها بسهولة بيحدد مكانك بال GPS ويبعت لك رسالة، وتقدر تلاقي الخدمة دي برده عند SMSMisr
طيب، إزاي أعمل إعلانات على الموبايل؟
برده Google عندها Tool رائعة جدا مخصوصة لإعلانات الموبايل إسمها "AdMob" ونقدر من خلالها نعمل Ads لل App بتاع شركتنا سواء كان ع ال Android أو ال iOS وبرده مفيدة جدا لل Remarketing Activties ... وطبعا لو قعدنا نشرح الكلام ده تفصيلا مش هنخلص، يكفي بس إنك تعرفه :) ... وبالمناسبة، هنا برده عندي نفس أنواع الإعلانات بتاعة Google AdWords ياترى لسة فاكرينهم؟! :D
الكلام عن الموبايل ماركيتنيج كتير ومش هيخلص وهولسة مجال جديد ومش كتير يعرفه وحتى السوق لسة ما حسش بقيمته، يكفيك بس تكون عارف الأساسيات بتاعته ;)
تعليقات
إرسال تعليق