#أ_ب_تسويق_رقمي: (9) إزاي تقيس نجاحك Web Analytics
اللي قبلنا قالوا: "If you measure it, you can manage it" ... حضراتكم عارفين إنكم عند كل واحد فيكم بيشتغل في مجالنا ده كنز وهو مش حاسس بقيمته؟ تعرفوا الكنز ده عبارة عن إيه؟ حد يقدر يخمن ال WhatsApp بيكسب إزاي؟ ... كل إجابة الأسئلة دي وأكتر في كلمة واحدة هي الـ "Data" ... بيانات العملاء بتوعك وتفاعلهم مع موقع شركتك وصفحات التواصل الاجتماعي الخاصة بيك، وهيعملوا إيه لما يشوفوا الرسايل اللي بتبعتهالهم ع الموبايل والإيميل، كل ده وأكتر ممكن يديلك وسيلة رائعة تقدر تقيس بيها نجاحك أو فشلك، وتاخد قرار على أساسه ...مش بقولكم كنز يا إخوانا؟!! ^_^
يعني إيه Web Analytics؟
بإختصار شديد جدا: "هو تحيل البياانات اللي هتجمعها عن ال Customers بتوعك ومدى تفاعلهم معاك عشان تقدر تاخد قرارات تقدر من خلالها تحسن الأداء بتاعك وتحقق الأهداف بتاعتك من عملية التسويق ككل"
رائع، إيه بقى المعلومات اللي أقدر أجمعها؟
تقدر تجمع معلومات كتير جدا نقدر نلخصهم في مجموعة من ال Dimensions لكل واحد منهم مجموعة من ال Metrics وهنا إحنا هنتكلم عن المهمين بس فيهم:
- Basic:
- Hit: ودي اللي كانوا بيحسبوا بيها عدد زوار الموقع زمان، وهي عدد مرات طلب الصفحة دي من السيرفر
- Page: ودي هي الصفحة بعينها، زي مثلا ما تحمل ملف الفلاش
- Page Views: ودي عدد الصفحات اللي اتطلبت من السيرفر
- Unique Visitor: وده الزائر اللي بيتفاعل مع موقعك، وليه 3 أنواع: New - Repeat - Return
- Visit Characterization:
- Landing Page: ودي يمكن كنا اتكلمنا عنها في إعلانات Google AdWords وهي عبارة عن الصفحة اللي هيوصلها الزائر في موقعك لما يجي من أي طريقة تسويق ليك
- Visit Duration: ودي مدة الزيارة اللي هيقعد فيها الزائر يتصفح موقعك
- Click-Through-Rate: ويمكن برده إتكلمنا عنها قبل كدة، وهي عدد الناس اللي داست ع لينك معين في موقعك من اللي شافوه
- Page Views / Visit: ودي معناها عدد الصفحات اللي الزائر شافها خلال الزيارة الواحدة بتاعته
- Content Characterization:
- Bounce Rate: ودي عدد الناس اللي دخلوا صفحة بعينها وطلعوا منها بسرعة
- Conversion Metrics:
- Event: ودي الحاجة اللي هيعملها الزاير لما يبدأ يتفاعل مع موقعك
- Conversion Rate: وده من أهم ال Metrics اللي عندنا واللي بنقدر نقيس نجاح الشغل بتاعنا من خلاله
إزاي طيب أسهل على نفسي عملية استخراج المعلومة من ال Data اللي عندي؟
في عندنا طريقتين بنعمل بيهم ال Analysis لل Data بتاعتنا:
- Segmentation: ودي معناها إني بأقسم ال Data اللي عندي لشرايح Segments عشان أعرف أشتغل عليها بسهولة، ويمكن كنا اتكلمنا عنها زمااااااااااان لما كنا بنعرف يعني إيه تسويق :D
- Context: وهنا أنا بأتعامل مع ال Data القديمة بتاعتي وأقارن شغلي على أساسها ... أو إني بأتعامل مع Data جاهزة وأقارن شغلي بيها، وبيسموها دي Benchmark Data
إيه ال Tools اللي ممكن تساعدني في الموضوع ده؟
أكيد طبعا Google Analytics البرنامج ده عملاق بجد، فيه كمية مميزات غير طبيعية محتاجة أصلا كورس كامل عشان نشرحه ... وعلى الرغم من إن البرنامج ده عملاق بجد، إلا إنه بيعمل حاجة بسيطة جدا وهي الـ Reporting، وده بقى بيديلك تشكيلة كبيرة جدا من كل ال Reports اللي إنت محتاجها عشان تقدر تاخد قرار بعينه، وممكن كمان تعمل إنت التقرير اللي إنت عاوزه "Custom Reports" لكن نقدر نلخص التقارير في المجموعات دي:
- Audience: ودي مجموعة تقارير نقدر من خلالها نعرف ال Demographics بتاعة الزوار بتوعنا
- Acquisition: دي تقارير بتوضح لك الزوار اللي جم دول جم منين وإيه الأجهزة والمتصفحات اللي بيستخدموها وكدة
- Behavior: أما دي بقى فعبارة عن مجموعة تقارير بتوضح سلوك الزوار على موقعك
طيب إيه اللي أعمله عشان أدي صلاحيات ل Google Analytics إنه يجمع لي ال Data دي؟
ولا حاجة، كل اللي مطلوب منك إنك تعمل أكونت ع البرنامج، وبعدها تحدد الحاجة اللي إنت عاوز تعرف اللي بيحصل فيها وليكن مثلا موقعك ... بعدها البرنامج هيديلك JavaScript Code تحطه في موقعك بيسموه "Tracking Code" عشان يتتبع موقعك والتفاعل اللي بيحصل عليه ... بس يا سيدي، وسيب الباقي على Google! *_^
إزاي أعرف إن ال User عمل اللي أنا عاوزه؟
تقدر بسهولة تحدد الهدف Goal اللي إنت عاوز ال User يعمله عشان تقيس عليه مدى نجاحك أو فشله، وده بيقولوا عليه ال Conversion وليه نوعين:
- Macro-Conversions: وده الهدف الرئيسي اللي إنت عاوزه من ال User، زي إنك مثلا عاوزه "يشتري" المنتج ده بعينه أو "يملى" الفورم دي، وهكذا ...
- Micro-Conversions: ودي عبارة عن الخطوات اللي بياخدها ال User عشان يحقق الهدف ده، يعني كمثال عشان ال User يشتري المنتج، أكيد هيعدي على شوية حاجات زي مثلا إنه يختار ال Category بتاع المنتجات ويقارن المنتجات ويعرف تفاصيل المنتج وهكذا ... وكل دي معلومات مهمة أنا مش عاوز أهملها
إيه الحاجات اللي أقدر أتابعها؟
حاجات كتيرة جدا: موقعك - الإيميل - الموبايل أبلكيشن بتاعك - الإعلانات اللي بتعملها وغيرهم ... وتقدر تدير الدنيا دي كلها وتحدد كل الحاجات اللي إنت عاوز Google Analytics يتابعها من خلال Tool من Google برده اسمها "Google Tag Manager" ودي أداة رائعة من جوجل بتسهل عليك تنظيم الحاجات اللي عاوز تتابعها من مكان واحد
أخيرا، عاوز أقولكم إن لو إنت برده ما عملتش Measurement Plan للشغل اللي إنت عاوز تعرفه يبقى برده كل اللي إنت بتعمله ده مش هيعود عليك بحاجة، خليك فاكر: "If you failto plan, you plan to fail" :)
المصادر اللي ترجع لها عشان تتعلم ال Web Analytics
تعليقات
إرسال تعليق