#أ_ب_تسويق_رقمي: (4) يعني إيه تسويق المحتوى Content Marketing

  #أ_ب_تسويق_رقمي: (4) يعني إيه تسويق المحتوى Content Marketing

 على الرغم من إن شرح الموضوع ده محتاج حد متخصص أكتر في الصحافة والتحرير لشرحه، إلا إني هأحاول إني أوصل ليكم المفاهيم اللي فيه بأسلوب بسيط جدا من واقع خبرتي المتواضعة، وكمان هنتكلم عن الأدوات والطرق اللي تساعدك على تجهيز المحتوى المميز ... يللا نتوكل على الله ;)

يعني إيه تسويق المحتوى الرقمي Digital Content Marketing؟

ببساطة، "هو إزاي تعمل محتوى مميز يحوّل الناس من مجرد قراء لمشتريين دائمين" ... وطبعا المحتوى ده لازم يكون ليه مواصفات كتيرة يمكن أهمها: Relevant, Valuable, Consistent وإنه يجذب عملاء بعينهم عشان يخليهم يشتروا ... ويمكن تسويق المحتوى الرقمي بيشمل مجالات كتيرة، بتوضحهم الصورة دي، وهنبقى نتكلم عن كل واحدة فيهم على حدة لما يجي وقتها إن شاء الله ...

ممتاز، إزاي بقى نعمل محتوى، الناس كلها تحبه وينتشر؟!

أكيد كل مسوّق نفسه إن اللي بيقدمه من محتوى على شبكات التواصل الإجتماعي وكل وسائط التسويق، يوصل لكل المتابعين ليه، وكمان لأبعد من ده، بأن توصل فكرته للي هم خارج دائرة الوصول الخاصة بيه، مش كدة ولا إيه؟! :) ... في مبدأ عندنا في ال Online Marketing إسمه التسويق الفيروسي "Viral Marketing"، وفكرته ببساطة قايمة على نشر الفكرة وتسويقها بشكل سريع وعلى نطاق واسع جدا، إعتمادا على فكرة إنتشار الفيروسات. وأكيد أنسب وسيلة لاستخدام المبدأ ده هي شبكات التواصل الاجتماعي.

في راجل محترم اسمه Jonah Berger، وده  واحد من خبراء التسويق في العالم، ابتكر طريقة مميزة جدا وفعالة تساعدك على تحقيق أهدافك ونشر فكرتك والوصول بيها لكل الناس، والطريقة دي بتتلخص في الحروف الستة دول “STEPPS” تعالوا نشوف معانيهم إيه بالظبط:

1. Social Currency 
• ومعناها إن الإنسان بطبيعته بيميل  لإنه يمتلك المعلومة اللي غيره ما يملكهاش. فلو قدرت توفر المحتوى المتفرد الخاص بيك وونشرته على أي واحدة من الشبكات الاجتماعية، فأكيد إن أول واحد هيلاحظ المشاركات دي هيبقى مش قادر يستنى إنه ينشرها لإنه شايف إنه كدة هيبقى صاحب معلومة جديدة ما يملكهاش حد غيره.
2. Triggers
• لازم برده تلاقي فكرة تسويقية تخللي المتابعين بتوعك كل أما يسمعوا كلمة معينة على طول يفتكروا معاها المنتج بتاعك، كل اللي مطلوب منك هو إنك تلاقي "الفكرة" دي. :D
3. Emotions
• دايما العاطفة بتحرك مشاعر البشر، والمسوّق الناجح هو اللي يقدر يستخدم العاطفة دي كوسيلة عشان يربط الناس بالمنتجات والخدمات بتاعته. مفيش مانع تكون العاطفة حزينة أو مفرحة أو غيره، المهم إنها توصل لقلوب الناس.
4. Public
• لازم كل المشاركات بتاعتك تبقى عامة "Public" ومتاحة للجميع، لإن ده بالتأكيد هيساعد كتير في نشر الفكرة بشكل سريع وواسع
5. Practical Values
• إذا كان اللي بتنشره مش بيقدم للناس أي معلومة جديدة أو مفيدة، إزاي تتوقع أنه هينتشر بشكل فيروسي؟!. عشان كدة لازم تهتم بإختيار المواضيع اللي بتفيد جمهورك وتقدم لهم دايما الخدمة والمعلومة المفيدة والمتميزة
6. Stories
• القصة ليها دور كبير في التأثير على سلوك البشر بشكل عام، ولو قدرت تربط خدمات شركتك أو منتجاتها بقصة، ده هيخللي جمهورك يتابع القصة بشغف عشان عاوز يتعرف على نهايتها.

ويمكن أهم حاجة تساعدك إنك تعمل محتوى تقدر تسوقه بعدين "Marketable Content" هو إنك تفهم ال Audience بتوعك كويس جدا، وأكيد ال Buyer Persona هي الحل! :D

طيب، إزاي بقى أنظم شغلي في تجهيز المحتوى؟
إنت محتاج هنا يكون عندك شوية مبادئ هتشتغل عليها في أي محتوى ودي بيسموها "Style Guidelines" وهنا بتحدد إيه الطريقة اللي تناسب شركتك، بمعنى تحب تكتب بالعربي ولا بالإنجلش، طريقتك Formal ولا Friendly وهكذا ... وبيظهر عندي مفهومين هنا هما: ال Voice (ودي معناها الأسلوب الأساسي اللي بيوضح توجهات الشركة) وال Tone (ودي معناهاالطريقة اللي هأتبعها في كل أسلوب حددته، ودي بتختلف باختلاف الأسلوب) ... ويمكن الملف ده يوضح لكم تفاصيل أكتر :)

رائع، إزاي بقى أخطط لمحتوى مميز؟

في عندنا عندنا مفهوم مهم جدا في تجهيز المحتوى بيسموه "Content Strategy" واللي بنوضح فيه إزاي وإيه شكل المحتوى اللي هينزل على ال Channels كلها سواء كانت ويب سايت أو سوشيال ميديا أو غيره، وتعالوا باختصار شديد نشوف عناصر الخطة دي، ونشوف مثال عملي كتطبيق عليها:

• Content Marketing Goals
• وزي ما هو معروف بالنسبة لحضراتكم هنا بنحدد الأهداف اللي إحنا عاوزين نحققها من المحتوى ده، زي مثلا إننا عاوزين نزود المبيعات من خلال المحتوى ده، أو مثلا نزود ولاء العملاء لينا Customer Loyalty
• Targeted Audience
• طبعا إنتوا عارفينها مش هنتكلم كتير xD
• Channel Content Strategy
• كل Channel ليها الخصائص بتاعتها اللي بتحكمك إنك تنزل عليها محتوى بعينه، يعني مثلا على الفيسبوك مفيش مانع يبقى الأسلوب Friendly، لكن لو هتبعت إيميل أكيد هيكون بصيغة Formal وهكذا
• Editorial Calendars:
• ودي بقى المشاركات الفعلية اللي بتنزلها ع القنوات المختلفة بتاعتك، ويفضل تعمل لكل Channel نوع المحتوى المناسب ليها ... وتقدر تعملها لمدة أسبوع، أو أسبوعين أو شهر، لكني أفضل تعملها كل أسبوع عشان ممكن تحصل أحداث خلال الأسبوع تلخبط لك الخطة اللي إنت حطيتها كلها ... ومش عاوز أنسى أأكد عليكم إن لازم الخطة تبقى مرنة وقابلة للتغيير على حسب الأحداث اللي بتحصل، لإن ده هيقنع الناس باللي إنت بتقدمه أكتر ... والكلام في الجزئية دي كبير ومش هيخلص، لكن يكفي إنك تفهم الفكرة، وممكن المثال ده يوضح لك أنا أقصد إيه

Reny - Feb. Facebook Editoral Calendar from Mustafa Othman

والفيديو بتاع الدرس من هنا: https://youtu.be/E8yoq6jB6Jo

وطبعا في تفاصيل كتيرة لسة في موضوع ال Content، هنرجع لها بإذن الله لما نتكلم عن شكل المحتوى اللي يناسب كل Channel عندنا ... خليكم متابعين *_^