#أ_ب_تسويق_رقمي: تسويق وسائل التواصل الاجتماعي "Social Media Marketing"
ربنا سبحانه وتعالى بيقول في كتابه العزيز: "وَجَعَلْنَاكُمْ شُعُوبًا وَقَبَائِلَ لِتَعَارَفُوا"، فربنا سبحانه وتعالى أراد إن لعباده إنهم يكونوا مختلفين في عاداتهم وطباعهم فيتحولوا لشعوب مختلفة وقبائل، لازم يتعاملوا مع بعضهم ويعرف كل شعب فيهم عادات وطباع الشعب التاني وهكذا ... ومفيش شك إن مع ظهور وسائل التواصل الاجتماعي، ده أثر بشكل كبير جدا على طرق التواصل بينا، وتحول الأمر إنه بقى أسلوب حياة، يعني مثلا لما تيجي تتعرف على واحد دلوقتي، أول حاجة بتسأله عليها عندك أكونت ع الفيس ولا لأ، مش كدة ولا إيه؟! :D
إيه هي وسائل التواصل الاجتماعي؟
مواقع التواصل الاجتماعي هي وسائل بنقدر من خلالها مشاركة ونشر المحتوى أيا كان نوعه (كتابة - صوت - صورة - فيديو ... إلخ) وفكرة التشارك بتأكد على معنى كونها اجتماعية ... ومعنى تسويق وسائل التواصل الاجتماعي "Social Media Marketing" هو إزاي إننا ممكن نستخدم الأدوات دي بشكل يساعدنا في تحقيق الأهداف الخاصة بالتسويق ... ومجال ال Social Media Marketing بيشمل أنواع مختلفة وكتيرة من المواقع، أهمها:
- Blogging: ال Blog (إختصار كلمة Web Log) هي أقدم سوشيال ميديا الناس عرفتها، وبدأت كفكرة لمشاركة اليوميات Diaries وبعدين تحولت لمساحة كبيرة لإبداء الآراء ووجهات النظر، ويمكن أشهر مواقع ال Blogging الآتي: Blogger - WordPress - Durpal وغيرهم ... كمان في عندنا مفهوم جديد ظهر هو التدوين المصغّر "Micro-Blogging" وأشهر مواقعه هو Twitter
- Social Networking: هي المواقع اللي معمولة أساسا عشان تزود ال Connections بينك وبين الناس، ويمكن أشهرها: Facebook - Google+ - LinkedIn
- Image / Video / Audio Sharing: واضح جدا إن دي مواقع نقدر من خلالها نتشارك الصور (زي Instagram) وملفات الصوت (زي Soundcloud) والفيديو (زي YouTube طبعا) ... ويمكن المواقع دي منتشرة جدا وناس كتير بتستخدمها، يكفي إن YouTube هو أكبر تاني Search Engine لحاد دلوقتي بعد جوجل ;)
- Social Shopping: في مواقع اجتماعية كتيرة بتساعد على نجاح عمليات الشراء بشكل اجتماعي، ويمكن أشهرهم Yelp
- Social News: ودي مواقع بنتشارك فيها الأخبار والأحداث، ومنها على سبيل المثال: Digg - Reddit
- Social Bookmarking: وهنا بتشارك مع بعض ال Bookmarks، وأشهرهم: Delicious - StumbleUpon
- Social Events: وأكيد دول بنتشارك فيهم ال Online Events ومن أشهر المواقع اللي بتعمل الموضوع ده: Meetup - EventBrite ... وفي موقع مصري مشهور في الجزئية دي إسمه Eventtus
- Social Wikis: ودي مواقع بنتشارك فيها المعلومات على شكل موسوعات علمية أو ثقافية، وأشهرهم طبعا Wikipedia
إزاي أتعامل مع مواقع التواصل الاجتماعي؟
يمكن من أهم الأسباب اللي ساعدت على انتشار وسائل التواصل الاجتماعي: هي إن استخدامها سهل وسريع جدا للتواصل، ومنتشرة عالميا، وكمان ممتعة ... وبالتالي ده يستلزم إنك تعرف الأسلوب والطريقة الأنسب للتعامل مع كل موقع منهم ... تعالوا نشوف ;)
وسائل التواصل الاجتماعي دلوقتي كتيرة جدا ومتنوعة، ويمكن من أشهر المواقع اللي إحنا عارفينها وبنتعامل معاها: Facbook - Google+ - Twitter - LinkedIn - YouTube - Instagram - Blogs - etc. ... وأكيد طالما في الكم الكبير والتنوع الظاهر بين المواقع دي يبقى أكيد لازم كل موقع فيهم ليه غرض معين أو ميزة شغال عليها ... يعني كمثال للتوضيح في الصورة اللي تحت دي هو بيضرب مثال بالسمبوكسات (أو أي أكلة مش هتفرق يعني :D) وإيه المحتوى اللي يناسب كل موقع من المواقع دي، فمثلا تلاقيه في حالة Twitter بيقولك: "أنا بأكل سمبوكسة دلوقتي" وده لإن تويتر الغرض الأساسي منه هو ال Crowdsourcing وكمان تلاقيه بيقولك في ال box بتاع ال tweet الآني: "What's happening now?" يعني إيه اللي بيحصل دلوقتي أو بتعمل إيه دلوقتي (في اللحظة دي)، وهو ده اللي وضحناه في المثال: "أنا بأكل سمبوكسة دلوقتي" ... وهكذا باقي المواقع :D
عاوزك كمان تتخيل معايا لو تحول كل موقع من المواقع دي لشخصية هيبقى شكله إزاي، شوف مثلا تويتر برده، هتلاقيها بنوتة صغيرة شعرها قصير ولبسها قصير xD وعلى التيشيرت بتاعها في علامة # (ال Hashtag) المميزة ل Twitter ... وقيس طبعا الكللام ده على باقي ال Channels
وأكيد كل Channel من دول ليها تفاصيلها اللي تقدر من خلالها تعرف تتعامل معاها إزاي، هتلاقيهم متجمعين في الصورة دي
طيب إيه هو شكل المحتوى اللي يناسب كل Channel من دول؟
وباختصار لكلام كتير ممكن نقوله في المحتوى على شبكات التواصل الاجتماعي، ممكن ترجعوا للصورة دي هتلاقوها شاملة كل الكلام اللي عاوزين نقوله في الجزئية دي "Best Practice on Social Media":
فيديو شرح الدرس من هنا: https://youtu.be/STIHwVeY7-w
دلوقتي إنت عندك فكرة عامة عن ال Social Media Channels واللي تقدر تعمله في كل Channel على حده، ويبقى فاضل لك إنك تعمل Accounts بالفعل على ال Channels دي والموضوع بسيط، ما تقلقش، مش إنت عملت Account لنفسك ع الفيس؟! xD ... بالتوفيج :D
تعليقات
إرسال تعليق