#أ_ب_تسويق_رقمي: (6) تهية محركات البحث SEO؟

 #أ_ب_تسويق_رقمي: تهيئة / تسويق محركات البحث "Search Engine Optimization / Marketing"

   إحنا كبشر دايما بندور على المعلومة ونحب نعرفها قبل غيرنا، ودي فطرة ربنا سبحانه وتعالى فطرنا عليها، يعني مثلا تخيلوا إني قولتكم إني خطبت! :D أول حاجة هتعملوها إنكم عاوزين تعرفوا أنا خطبت مين، مش كدة؟! xD ... إنت عارف كمان إن أكتر من 90% من ال Activities اللي بيعملها ال User في الوقت اللي بيقعده على الإنترنت، بيكون في عمليات البحث؟! :) ... كل ده يخليك تهتم بإنك تخللي موقع يظهر بأي شكل على محركات البحث وفي النتايج الأولى ... مش كدة ولا إيه؟! ;)

إزاي محركات البحث "Search Engines" بتشتغل؟

عشان نسهل الأمر عليك، نقدر نقول إن عندنا 4 عوامل بيأثروا تأثير مباشر على ظهور موقعك في نتايج البحث وهما كالتالي:

• المستخدم User:
•  وده اللي بيدور على المعلومة أو على موقعك إنت شخصيا، وكل اللي بيعمله إنه بيدخل على محرك البحث ويكتب فيه جملة البحث بنسميها User Query، وينتظر تظهر له نتايج البحث أو ال "Search Engine Result Pages" (SERPs) ... إيه اللي حصل بقى لحاد ما ظهرت له النتايج دي، دي مسئولية محرك البحث. 
• هنا دورك إنك تفهم نفسية العميل كويس وإيه الكلمات Keyowrds اللي بيدور بيها عليك أو على منتجات إنت بتقدمها
• محركات البحث Search Engine:
• من أشهر محركات البحث على مستوى العالم Google، وتقدر نقول إنه مستحوذ على أكتر من 65% من نتائج البحث ما بين باقي محركات البحث زي Bing, Yahoo وغيرهم ... وكل محرك من دول ليه المعايير الخاصة بيه والطريقة المناسبة لترتيب وتنظيم النتايج، والطريقة دي بيسموها Algorithm وفي حالة Google اسمه PageRank وده كل شوية بيحصل في تعديلات كتيرة عشان يناسب السوق وعشان نتخلص من مشاكل الناس اللي مش بتتبع القواعد (واللي بنسمي اللي بيعملوه Black Hat SEO) ويمكن آخر تحديث ليه كان اسمه Panda
• Google كمحرك بحث ليه 3 وظايف أساسية:
• Crawling: بتبعت برامج صغيرة بيسموها Crawler / Spider / Bots بتزحف على كل مواقع الإنترنت اللي في العالم، بشكل دايم ومتجدد
• Indexing: بعد ما تتحرك ال Crawlers عشان يشوفوا صفحات المواقع هيبدأوا يفحصوها هلهي مطابقة للمعايير بتاعة Google ولا لأ، وبعدين يبدأوا يصنفوها لو لقيوها مطابقة للمواصفات والعملية دي بيسموها عملية ال Indexing
• Reporting: إن Google هترجع من ال Index اللي عندها نتايج البحث وتعرضها في ال SERPs
• إنت بقى المفروض هنا تمشي على ال Guidelines بتاعة Google عشان تضمن إنك تظهر
• المنافسين Competitors: 
• إوعى تفتكر إنك لو عملت شغل ممتاز وظهرت في نتايج البحث الأولى إن الأمر كدة إنتهى، أبدا! ... المنافس غالبا بيعمل الشغل اللي إنت بتعمله بالظبط ويمكن أكتر عشان يظهر قبلك ويمكن مش عاوزك تظهر خالص ...
• وبالتالي لازم آخد لبالي منه وأبقى فاهم هو بيفكر إزاي وإيه ال Keywords اللي بيركز عليها وهكذا ..
• موقعك Your Website: إنت كمان نفسك عليك شغل كتير لازم تعمله، والشغل ده بيتلخص في 3 حاجات هنتكلم عنهم بالتفصيل بعد شوية: Site Architecture - Content - Linking

إيه ال Best Practices في شغلك في ال SEO؟

في عندك 3 حاجات لازم تركز عليها في شغل ال SEO اللي هتعمله على أي Brand هتشتغل عليه، واحنا هنا هنتكلم عن الموضوع باختصار شديد، لإن ده كورس كامل في حد ذاته:

• Site Architecture: لازم تتأكد إن الويب سايت بتاعك ماشي على كل ال Guidelines اللي Google ويمكن في شوية Techniques لازم تاخد لبالك منها، أهمها:
• Meta Tags: ودي جزء من ال Code بتاع ال HTML بيوضح الكلمات المهمة فيصفحتك واللي انت حابب انك تركزعليها وتشتغل عليها، ممكن كمان تضيف فيها الوصف Description بتاعة الصفحة.
• Title: زي ما بيقولوا "الجواب بيبان من عنوانه"، وعنوان الصفحة هو أول حاجة بتظهر على نتايج البحث وبالتالي لازم تعتني باختياره
• URL Rewriting: ودي معناها ان مسار الصفحة يكون مفهوم وما بيقاش فيه اي رموز أو أرقام مش مفهومة، واللي بيسموه Parametrized / URL
• File Naming: برده طريقة تسمية الملفات في موقعك هتساعد ال Search Engine، بمعنى ان لما يبقى الصورة بتاعة العربية اسمها "Car.jpg" ده أحسن بكتير لما أكتبها "img001.jpg"
• Content: الحاجة الوحيدة اللي هتخللي الناس يحرصوا على زيارة موقعك باستمرار هي المحتوى المميز، وفي مقولة هتسمعها دايما في شغلك: "CONTENT IS KING" وبالتالي لازم تبقى حريص على تقديم محتوى متميز لزوار موقعك ... وعشان تعمل ده لازم يكون محتوى الموقع فيه مميزات أهمها:
•  Relevant: بمعنى إن المحتوى لازم يكون متعلق جدا بأهداف الموقع وتوجهاته
• Valuable: يعني ليه قيمة ممكن يستفيد منها الزائر
• NOT Duplicated: هنا ما ينفعش تحط ف الموقع بتاعك اي محتوى متكرر في أي موقع تاني، ودي يمكن Google بتراعيها جدا في ال Algorithm بتاعها عشان عاوزة تشجع الناس على صناعة محتوى متميز
• Linking: لازم عشان تظهر في نتايج البحث تكون مرتبط بمواقع Relevant ليك، وفي طرق كتير عشان تعمل الموضوع ده يمكن من أهمها:
• Directories: ومن أشهر الأدلة اللي في مصر وممكن ترتبط بيها Yellow Pages, 140Online
• Articles: في مواقع كتيرة بتسمح لك تضيف مقالات فيها وتربط موقعك بيها وهكذا، وكمثال لو انت مهتم بال Technology وموقعك كذلك، ممكن تكتب في موقع Argeeks

طيب إزاي أفهم طبيعة ال Keyword اللي هيستخدمها ال User كويس؟

في حاجة إسمها ال Demand Search Curve بتوضح مدى طلب ال User لكلمة بعينها ... وبيحسبوها بحاجة اسمها Search Volume (ودي معناها عدد الناس اللي بيدوروا ع ال Keyword دي بعينها في الشهر) ودي بنمثلها على المحور الرأسي، والمحور الأفقي بنمثل عليه عدد ال Keywords اللي بيبحث بيها ال User ... ويمكن تلاحظ جدا ان لما يكون عندي Keyword واحدة بيبقى ال Volume كبير جدا، وده على عكس لما يبقى عندي Keywords كتير (أو بيسموها Long-tail Keywords) ... هنا بقى يظهر عندي مفهومين مهمين هما:

• Competition: ودي حجم التنافس ع ال Keyword Phrase دي بعينها بينك وبين كل منافسينك
• Relevancy: ودي مدى تعلق ال Keyword Phrase اللي ال User بيدور بيها بال Business بتاعك

طيب إيه الدنيا بالنسبة لل SEM؟

نتايج البحث اللي بتظهر على ال SERPs مش كلها بتبقى "Organic" بيبقى فيه جزء منها إعلانات مدفوعة "Paid" ... بكدة تقدر تضمن فرصة تانية لظهور موقعك، والموضوع ده هو ال Search Engine Marketing ... بنستخدم Google AdWords عشان نقدر نعمل بيه الإعلانات دي وغيرها

ممتاز، إيه هو Google AdWords وشغال إزاي؟

ده واحد من أشهر ال Tools بتاعة Google اللي بنستخدمها عشان نعمل بيها إعلانات في:

• Google Search Network: ودي الإعلانات اللي بتكون ع ال Search Engine وعند ال Partners بتوع جوجل وعلى رأسهم Amazon, AOL, Ask وغيرهم، وكلها Text Ads،وبتبقى مفيدة جدا في عملية ال Lead Generation
• Google Display Network: ودي بتبقى Rich-Media Ads وبتظهر في أي موقع مدي لجوجل سماحية إنه يعلن عنده باستخدام برنامج Google AdSense وبتكون مفيدة جدا في حالة ال Brand Awareness

 تمام، إيه اللي يميز إعلاني ويخليه يظهرع جوجل؟

جوجل عندها آلاف المعلنين يوميا في نفس المجال بتاعك، وعشان جوجل تحكم ترتيب ظهور الإعلانات بتاعك إنت والمنافسين إختارت مفهوم إسمه ال Quality Score ويمكن أهم عناصر بتحدده هي:

• Relevancy: لازم الإعلان يكون مرتبط بموقعك وأهدافه، بمعنى ما تبقاش إنت بتعلن عن صابون وتوديه لموقع عربيات عشان جوجل ما تعملش معاك الجولاشة 3:)
• Landing Page: ودي الصفحة اللي هيروح لها اللي هيدوس ع الإعلان بتاعك وأكيد لازم تكون مرتبطة بالإعلان اللي إنت عامله، وإلا جوجل هتععمل معاك السليمة xD
• Click-Through-Rate: ودي معناها كام واحد من اللي شافوا الإعلان بتاعك داسوا عليه بالفعل

شرح الدرس فيديو من هنا: https://youtu.be/iJS4cngw8Jw


بكدة نكون أخدنا فكرة مختصرة جدا عن مجال ال SEO/SEM وطبعا المجالين دول فيهم كمية معلومات مش طبيعية ومحتاجة كورس كامل لوحده، وكبداية يكفيك اللي إحنا إتكلمنا فيه إن شاء الله ^_^