آه والله زي مبئولك كدة :D ...
أنا شايف، ودي وجهة نظر متواضعة، إن أحسن ناس يشتغلوا في مجال ال Digital Marketing هما شباب قسم IS في كليات الحاسبات على مستوى الجمهورية ^_^ ...
ليه طيب؟!، في أسباب كتيرة تأكد كلامي، تعالوا نشوف:
- أولا المجال إسمه Digital فلازم اللي يشتغلوا فيه يكونوا فاهمين ال Digital Life، ولا إيه؟ :D
- بعدين دايما يقولوا لنا إنتوا قسمكم ده قسم في كلية تجارة وكدة، وأنا بأقول وماله :D ... بالعكس دي حاجة المفروض تعتز بيها، لإنك جمعت بين الاتنين ال Technology وال Business وهما اللي مطلوبين في السوق العربي تحديدا الفترة الأخيرة ... وقالها لي واحد في كلية تجارة قبل كدة: "أنا كان نفسي أدخل حاسبات عشان أجمع بين الاتنين" :)
- كمان مجال ال Digital Marketing كل شغله ع ال Web وال Mobile، وطبعا مش محتاج أوضح إيه علاقتهم بقسم IS!! :D
- أخيرا، إن خريج حاسبات ومعلومات أصلا شغلانته الأساسية إنه يحل مشاكل الناس باستخدام التكنولوجيا، وإحنا إتعودنا إننا عشان نحل أي مشكلة لازم ناخد فكرة عامة عن المجال بتاعها وبعدين نستخدم التقنيات اللي اتعلمناها في حل المشكلة دي، يعني مثلا أنا مشروع تخرجي كان عن السياحة، مالي أنا ومال السياحة!! :D ... مش كدة ولا إيه؟ ;)
طيب أنا ليه بأتكلم عن المجال ده تحديدا؟! ... يكفي المجال ده إن سوقه بقي كبير جدا في مصر والدول العربية في الفترة الأخيرة، والله مفيش يوم يعدي إلا ولازم ألاقي مش أقل من 10 وظايف على مستوى الدول العربية في المجال ده، فمش معقول يبقى في مجال مطلوب جدا زي ده والناس ما تسمعش عنه، ومش معقول يبقى عندنا القدرة إننا نتعلمه ونفهمه وما ناخدش خطوة زي دي :)
فدي دعوة مني لشباب قسم IS في كليات الحاسبات على مستوى الجمهورية، تعالوا نتعلم مجال ال Digital Marketing مع بعض ... وكبداية لحاد لما أشوفكم على خير في بوست تاني، عاوزكم تقروا البوست دي كويس، من بلوج "شرين بدر"، عشان تتعرفوا على مجال ال Online Marketing قبل ما تبدأوا فيه :) ...
أخيرا عاوز أقول، مش معنى إني بأقول إن شباب IS لازم يشتغلوا في المجال ده، إني بأقول إن غيرهم ما يعرفوش يشتغلوا فيه، بالعكس والله، ده في ناس متميزة جدا في المجال ده وما درستش أصلا في كلياتها أي حاجة ليها علاقة بالكمبيوتر أصلا ... لكن أنا حبيت بس ألفت نظر شباب IS للمجال ده واللي يمكن ناس كتير منهم ما يعرفوش عنه أي حاجة :)
استنوني قريب جدا بإذن الله تعالى، هأبدأ أنظم الدنيا وأحط لكم خطة لدراسة المجال ده للي يحب منكم يبدأ فيه، وما تنسوناش من دعواتكم ^_^
تعليقات
إرسال تعليق