#أسيوط_والتسويق_الرقمي

12 #درس إتعلمتها من خلال التعامل مع #العملاء في التسويق والدعايا في #أسيوط بشكل خاص وفي #الصعيد بشكل عام (تجربة #سنة كاملة) .. ومن زمان والله وأنا نفسي أتكلم وأقول اللي جوايا وأقول يمكن الحال ينصلح لكن للأسف مفيش فايدة .. 

طبعا كل الكلام اللي تحت ده ليه استثناءات وفي ناس #محترمة جدا اتعاملنا معاهم وبيقدروا المجهود والشغل اللي بنعمله، لكن للأسف الأغلبية العظمى ينطبق عليها كل الكلام اللي جاي، وربنا يصلح الأحوال .. نقول على بركة الله:

1 - بيحبوا #المظاهر بشكل بشع، وبيتخدعوا بيها جدا :\

= لما كانت شركة رقمية في مقر متواضع وكنت بأطلب أسعار الخدمات بناءا على جودتها مش على شكل المكان كانوا بيستغلوها .. ولما طورت المكان ووسعته وطلبت أسعار أكتر وافقوا عليها .. آه يا بلد!!

2 - شافين إن التسويق والدعايا دي حاجة ثانوية ملهاش لازمة :3

= لإنها بلد البيزنس فيها ببساطة معتمد على ال word-of-mouth فقط، بالبلدي كدة: "إسأل مجرب ولا تسأل دكتور" ودي الرد عليها ببساطة، هي كوكاكولا بتعمل ليه تسويق ودعايا لنفسها لحد دلوقتي؟!

3 - فاكرين التسويق #الرقمي (التسويق على #الإنترنت)، هو التسويق #الشبكي -_-

= لا تعليق! (إيموشن محمد رياض وهو بيقول هديلك 200 جنيه وتعيدهالي تاني)

4 - عاملين ناصحين، وهما أكتر ناس بيتضحك عليهم وبيتعمل عليهم شغل 3:)

= كمثال، في شركة بتقدم لهم خدمة في مجال التسويق "الميداني" هيبقى تأثيرها لمدة #أسبوع (بمبلغ x)، وأنا بأقدم خدمة "على الإنترنت" تأثيرها أضعاف مضاعفة لمدة #3_شهور (بنفس المبلغ x)، مع العلم إن x ده مبلغ محترم .. وفي الآخر يقولك أسعارك غالية

5 - عاوز ياخد كل حاجة وما يدفعش قرش خالص لو أمكن O:)

= تحس إنه اشتراك #عبد عنده كدة، بمجرد ما دفع مبلغ معين يبقى يطلب ويتمنى هيلاقي الدنيا بقت جنة!

6 - عندهم مشكلة كبيرة جدا في التفريق بين التسويق ومجال #المبيعات o.O

= يجي يقولك أنا عاوزك تنزلي الكلام ده ع الصفحة وتعملي كذا وكذا وتجيبي لي آخر الشهر 20 عميل يشتروا مني ولو ما جيبتهوش يبقى انت مش شايف شغلك

7 - عاملين زي #اليهود، لو ما كانتش الحاجة ملموسة (يعني مادية) بالنسبة لهم ميصدقوهاش :D

= دي ملهاش حل لإنها طبيعة بشرية، يحلها ربنا سبحانه وتعالى من عنده

8 - متخيلين إن التسويق على #الإنترنت ده أي حد يعمله واللي بيشتغلوا فيه شوية #عيال :(

= ردي ببساطة لما يكون شخص زي العبد الفقير، كان شغال في شركة بتديله شهريا فوق ال $1,000 عشان يمسك لها التسويق الرقمي بتاعها، يبقى ده شغل عيال؟! (رد إنت يا حسين)

9 - #ذوقهم في الأرض جدا، وميعرفوش يعني إيه جودة منتج أو خدمة :3

= ممكن نعذرهم لإنهم ما شافوش الجودة العالية أو إن أصحاب السبوبة اللي هنا بوظوا لهم ذوقهم، وإلى الله المشتكى

10 - للأسف دي سيئة جدا، يقولك أنا كلمتي #عقد، وهو أول واحد يخالف كلامه

= عانينا أشد المعاناة من عملا يقولك أنا قولت وهو ما قالش وإنت قولت وأنا مقولتش، ولذلك كل حاجة أصبحت بالتعاقدات الرسمية من تاني شهر في الشغل بفضل الله تعالى

11 - عندهم عقدة #الخواجة

= ببساطة يعمل نفس الشغل في القاهرة وبسعر أضعاف اللي إنت بتتكلم فيه ولا إنه يعمله في أسيوط بنفس الجودة ويمكن أفضل وبسعر أقل

12 - أخيرا وليس آخرا .. نادر جدا جدا في أسيوط تلاقي واحد عمل بيزنس وهو عنده #رؤية، كلهم للأسف بيدوروا على الكسب وخلاص

= مش عارف أقول إيه والله؟!

معلش أنا طولت عليكم وصدعتكم، بس حبيت أشارك معاكم ومع أصحاب البيزنس في أسيوط والصعيد حجم المعاناة اللي عايشينها .. لعل الناس تعرف الصح فين والغلط فين، ويعرفوا إني والله وناس كتير زيي مش جايين نعمل سبوبة علي عليكم ونمشي، إحنا والله جايين نساعدكم .. ربنا يصلح الأحوال