لما بدأت مبادرة #إشتغل_مع_مصطفى في #أسيوط من حوالي شهرين، قابلت ناس كتير وشباب عندهم Potential غير طبيعي وشاطرين جدا Technical ما شاء الله حاجة تفرح بجد ^_^ ... بس معظمهم والله إلا نسبة قليلة جدا، على الرغم من فهمه لطبيعة شغله، إلا إنه مش عارف "يسوق" لنفسه :\ (إحنا بنقولها بالإنجلش He can't sell himself/herself) يعني مش عارف "يبيع نفسه" عشان صاحب العمل "يشتريه"، ومن هنا جت فكرة #أَبيعُ_نَفسي :D
"أبيع نفسي" هو عبارة عن #كورس #مجاني أو سلسلة دروس وفيديوهات بنناقش فيها فكرة "إزاي تسوق لنفسك صح؟" عشان نساعدك إنك تلاقي فرصة شغل أونلاين أو وظيفة في شركة كبيرة ;) ... وإن شاء الله مواضيع السلسلة دي كالآتي:
- الدرس (1): مقدمة عامة "إزاي تسوق لنفسك صح؟"
- الدرس (2): إزاي تعمل ال CV بتاعتك؟
- الدرس (3): إزاي تظبط الحساب بتاعك على موقع LinkedIn؟
- الدرس (4): إزاي تجهز ال Online Portfolio بتاعتك؟ (سابقة الأعمال)
- الدرس (5): إزاي تدور على وظيفة أونلاين "Wuzzuf / Bayt.com"
- الدرس (6): مقدمة عن العمل الحر "Freelancing"
- الدرس (7): تعمل إيه في المقابلة الشخصية "Interview" وتجهز لها إزاي؟
برده هتلاقوا سلسلة الفيديوهات دي على الرابط ده:
فاللي لسة بيدور على شغل ومش عارف يسوق لنفسه إزاي، الكورس ده أنسب بداية ليه بإذن الله :) ... أتمنى المجهود البسيط ده يساعدكم فعلا إنكم تلاقوا فرصة شغل أو وظيفة مناسبة ... وما تنسوناش من صالح دعواتكم <3 ^_^
م. مصطفى عثمان
تعليقات
إرسال تعليق