Ladies and gentlemen
خلونا نتكلم بالعربي أحسن، ده النبي عربي xD
دخلت مدارس حكومي زيي زي عامة الشعب المصري، وإتعلمنا بالمجان (وأظن الكلام شارح نفسه xD) ... وقالوا لنا لازم تتعلموا الإنجلش لإنه اللغة الأم وكدة، وإحنا عيال صغيرين يا بيه ومنفهمش حاجة يا بيه :'( ... المهم طاوعناهم وياريتنا ما طاوعناهم xD ... إتعلمنا وياريتنا ما اتعلمنا :\ ... قتلوا الفرحة اللي جوانا ولاد التيت يا أخي xD ...
بحكم دراستي وكدة، فأنا مهندس برمجيات ... ومجالنا تحديدا مجال جديد، والمؤلفات العربية فيه قليلة جدا لاترقى أبدأ إن الواحد يبصلها فضلا عن إنه يشتريها -_- ... وطبعا كل العلم اللي إنت محتاجه عشان تطور نفسك في المجال ده بالإنجلش، لإن هما اللي عاملين البرامج والتقنيات دي فلازم ينشروها بلغتهم فكان لازم وقفة مع النفس ... وقولت والله ما أنا مكمل ف العك بتاعهم ده، لازم أتغير، لازم أتعلم صح! ومن هنا كانت البداية :) ...
طيب ... أنا مش جاي النهاردة أشرح إزاي تتعلم إنجليزي قد ما أنا جاي أعرفك: "إزاي تتعلم أي حاجة؟" :) ... لكني جايب لكم تجربتي الشخصية في الإنجلش كمثال حي قدامكم يقول إن التجربة نجحت وبتنجح كل يوم الحمد لله تعالى :) ... بالمناسبة أنا مهندس برمجيات، وبشتغل في مجال ال Digital Marketing وال Graphic Design فالإنجلش بالنسبة لي مجرد أداة بأحتاجها بشكل كبير في شغلي، وعارف في ناس كتير يقدروا يشرحوا اللي أنا هأقوله ده أحسن مني 50 مرة والله xD ... بس نقول تاني، أنا جاي أعلمكم: "إزاي تتعلموا أي حاجة؟!" ... خلونا نبدأ على بركة الله ;)
عشان تتعلم أي حاجة (زي الإنجلش مثلا)، فإنت محتاج تعرف إيه المهارات الأساسية اللي إنت محتاجها عشان تتقن الحاجة دي ... تعالوا مثلا نشوف المهارات الأساسية في تعلم الإنجلش أو أي لغة، وتعالوا أحكي لكم تجربتي الشخصية وإزاي قدرت إلى حد كبير أتجاوز العقدة بتاعة الإنجلش دي :) ...
إسمعوا الفيديو للتوضيح:
تعالوا نختم كالعادة بنصايح وكلام عملي، ونخليهم 10 نصايح عشان تبقى "تلك عشرة كاملة" ^_^ ... تعالوا نشوف الوصايا العشر لو عاوز تتعلم أي حاجة:
- خليك فاكر دايماً ومتأكد - بعون الله وتوفيقه - إنك تقدر تتعلم أي حاجة حتى لو أول مرة في حياتك تسمع عنها :) ... بإختصار شديد اللي بقى رائد فضاء مثلا، إتولد لقى نفسه رائد فضاء الصبح؟!! :D
- إبدأ إتعرف إيه المهارات الأساسية اللي إنت محتاجها عشان تتقن الحاجة دي! :) ... إزاي عاوز تتعلم حاجة من غير ما تعرفها كدة كلها ع بعضها؟ ;)
- إبدأ دور على المصادر اللي تتعلم منها الموضوع ده وحاول تجمع أغلبها معاك قبل ما تبدأ ;)
- حاول ترسم لنفسك طريق تمشي فيه Road Map، واستعين بأهل الخبرة في المجال، إدي العيش لخبازه ^_^
- تابع الناس اللي ليهم باع كبير في المجال اتعلم منهم ومن خبراتهم وما تسيبش أي مكان موجودين فيه إلا ولازم تتابعهم عليه خصوصا على السوشيال ميديا ;)
- إسأل ما تبطلش تسأل، السؤال هيفتح لك أبواب تعليم كتيرة
- ما ينفعش يعدي عليك يوم من غير ما تتعلم حاجة جديدة، فاهم؟! مش ممكن ده يحصل، بص لي لما أكلمك! :D
- إوعى تفتكر إن الكلام ده هيخليك لبلب ف الإنجلش أو في أي حاجة، إبدأ مارس Practice الموضوع واشتغل عليه دايما، وما تبطلش تتعلم ... Practice ثم Practice ثم Practice ^_^
- ارجع للنقطة رقم 8 :)
- ارجع للنقطة رقم 8 تاني برده :D
أتمنى يكون الموضوع ساعدكم في إنكم تفهموا الدنيا، وما تنسونيش من دعواتكم :)
تعليقات
إرسال تعليق