#الماركيتينج_يليق_بي! (ازاي تعرف شغفك؟) ...
كتير مننا نفسه يعرف هو مميز في إيه؟ إيه المجال اللي بيحبه فعلا؟ وإشمعنا المجال ده تحديدا؟ ... أكيد الأسئلة دي بتدور في دماغ كل واحد، بدأ يدور على #وظيفة يبدأ بيها رحلة الكفاح الخاصة بيه ... تعالوا في المشاركة الطويلة دي أحكي لكم عن تجربتي الشخصية اللي أتمنى إنها تكون مفيدة ليكم. :)
الحكاية بدأت لما كنت في أولى إعدادي، سنة 1998، زي معظم الجيل بتاعنا، أيام ما كان لسة الكمبيوتر طالع، وويندوز 95 مكسر الدنيا :D ... من ساعتها حبيت الجهاز ده واتعلقت بيه بشكل غير طبيعي <3 ^_^ ... عدت الأيام بسرعة، وصلنا سنة 2003، وخلصت ثانوية عامة، وكانت لسة #حاسبات أسيوط فاتحة جديد، فقررت ساعتها أدخلها بس عشان حاجة ليها علاقة بالحاجة اللي "حبيتها" وهي #الكمبيوتر :) ... شاء المولى عز وجل إني أدخل #هندسة بدل حاسبات، بناءا على رغبة العيلة عندي :( ... وعشت تجربة صعبة جدا، نبقى نفصلها في مشاركة تاني بعدين ان شاء الله، كان نهايتها سنة 2009 بعد ما كنت خلصت كل سنين الدراسة في هندسة، قررت إني أدخل حاسبات واحقق رغبتي في إني أدرس الحاجة اللي "بحبها"، أخيرا :D ... لكني للأسف دخلت حاسبات وطلعت منها، وإكتشفت إن الكمبيوتر (كعلم البرمجة وتصميم النظم) مش هو شغفي ولا الحاجة اللي "بحبها"!! :O ... تخيلوا؟! :\
ناس كتير يمكن يستغربوا الكلام ده: إزاي يا عم؟! ده إنت عملت اللي محدش عمله!! (إني درست كليتين يعني xD) ، ده أنت كنت طالع بحاسبات ومجال ال IT ده السما!! (ولازلت والمصحف :D ) ... تعالوا أحكي لكم إيه اللي حصل! ^_^
إكتشفت بعد مرور أكتر من 10 سنين إن الحاجة اللي أنا بأحبها فعلا وبألاقي نفسي فيها هي "الماركيتينج #Marketing" ... ويمكن تستغربوا لو قولت لكم إني من حوالي 5 شهور تقريبا بس، لسة عارف إن ده المجال اللي أنا بحبه ونفسي أكمل فيه بقية حياتي، على الرغم من إني شغال في المجال ده ليا أكتر من 8 سنين وأنا مش عارف، آه والله زيمبئولك كدة :D
طيب إزاي عرفت ده؟ ...
تعالوا أجيب لكم الموضوع من البداية، وأحكي لكم قصة الكفاح :D
سنة 2005 روحت جمعية #القرماني الخيرية، كنت رايح بس أحفّظ قران مش أكتر، لقيتهم في مرة بيقولوا إننا محتاجين حد يفهم في الكمبيوتر يعمل لنا تصميمات للكتب اللي فيها الأحاديث اللي بنوزعها على الأطفال، قالوا لي مفيش غيرك، قولتلهم أنا ما أعرفش حاجة في #التصميم ده، قالوا لي بس حاول، قعدت أخبط وأحاول وأتعلم لحاد ما عملت لهم شغل مية مية، وما أخبيش عليكم طمعوا بعدها فيا :D بقيت مسئول مسئولية تامة عن شغل "الدعايا" بتاع الجمعية، يعني Marketing Executive، عملت لهم كل المطبوعات وعملت لهم الويب سايت بتاعهم، وكنت بروح أتعامل مع شركات الدعايا (زي شركة #الهدف)، ومش بس كدة بقيت بروح أقابل الناس وأجيب تبرعات للجمعية، سيبت الجمعية لحاد لما بقي ليها سبع أفرع في قرى #أسيوط (كل ده وأنا مش عارف إن اللي بأعمله ده ماركيتينج :D آه والله زيمبئولك كدة xD) ...
بعد 3 سنين، تحديدا سنة ،2008 حصلت لي ظروف اجتماعية قررت إني لازم آخد خطوة وأشتغل في حاجة تجيب #فلوس، فقررت أروح أشتغل في شركة الهدف، واحدة من أكبر شركات #الدعايا في أسيوط (اللي كنت بأودي عندها الشغل بتاع الجمعية)، واشتغلت عندهم Graphic #Designer لمدة سنتين، اتعلمت فيهم حاجات كتير زي إنك إزاي تقابل الزبون وتقنعه وغيره، كلها حاجات ماركتينج برده :D (وبرده ده وأنا مش عارف إن اللي بأعمله ده ماركيتينج :D) ...
بعدين الدراسة ضغطت على الواحد، واتبهدلت :D ... كان الكلام ده سنة 2012، فقررت إني أسيب الشغل :( ... بس أنا من عادتي إني مش بأحب أقعد ساكت كدة :D ... بدأت أعمل نشاط في الكلية وأساعد على قد ما أقدر في إني أغير فكر الطلبة، عشان ما يعيشوش نفس التجربة الأليمة اللي أنا عشتها :P :D ... فعملت مبادرة #إتعلم Et3allem، وكان الأساس فيها إننا "نسوق" لفكرة (إنك كطالب ممكن تتغير وتبقى بني آدم صح) ... ويمكن معظمكم عاش معايا التجربة دي بحلوها ومرها :') ... واتعلمت فيها إزاي "أسوق" للفكرة دي أونلاين، وعملت ضجة كبيرة أونلاين وصلت لأكتر من 20 جامعة على مستوى الجمهورية، واتعلمت فيها مجال ال Digital Marketing (والمصحف الشريف برده ما كنت أعرف إن ده ماركيتينج، آه والله .. آه والله .. آه والله xD)
أكيد زهقتوا من كتر الكلام، لسة بدري يا برنجي :P :D ... طيب، برده إزاي عرفت إن ده مجالك؟ -_- ...حاضر :D من حوالي 5 شهور كنت بدأت أدور على شغل، وما أخبيش عليكم عشت تجربة صعبة جدا، كان عنوانها: #60_يوم_من_العزلة، أتمنى ترجعوا لها من اللينك ده وانتوا هتعرفوا إزاي عرفت شغفي :)
http://on.fb.me/1E8xejH
أخيرا، عاوز أقولكم إني بفضل الله تعالى، ثم بالشغف اللي عندي، حاليا شغال "مساعد مدير #التسويق Assistant Marketing Manager" في شركة "فرنسية" إسمها Rêny، في Position محتاج سنتين على الأقل عشان توصله، والحمد لله أنا وصلت له في أقل من 6 شهور، كل ده عشان أنا عرفت شغفي فين! :) ... والله ربنا سبحانه وتعالى أكرمني كرم كبير جدا، وأقسم بالله لو الواحد هيجيب ورقة وقلم ويقعد يخطط لحياته، والله ما كنت هتخيل العملية بالجمال ده :D ... فالحمد لله المدبر لأمورنا والعالم بأحوالنا، أحبك ربي <3 ^_^
بس مش عاوز أختم كلامي غير بمجموعة #نصايح وكلام عملي تبدأوا تشتغلوا عليه عشان تعرفوا تلاقوا شغفكم وتعرفوا إيه الحاجة اللي بتحبوها ونفسكم تشتغلوا فيها بعدين :) ... فصلوا بينا ع حضرة النبي صلى الله عليه وسلم، وهاتوا ورقة وقلم ومرايا وخلوا بالكم معايا :D ... تعالوا نشوف الوصايا الخمس عشان تلاقي شغفك:
1 - أول حاجة وأهم حاجة، إنك تستعين بالله، أقسم بربي لولا #الاستعانة بالله لكنت هلكت ... إدعي ربنا يوفقك إنك تعرف إنت إتخلقت ليه، وخلليك على يقين إنك أكيد بعونه وتوفيقه سبحانه هتوصل، وطالما توكلت على الله وسلمت أمرك ليه، يبقى تمشي في السكة اللي ربنا رسمهالك وتصبر لإن أكيد أخرها كل خير ^_^
2 - اتحرك. مش معقولة هتعرف إنت مميز في إيه من غير ما تجرب حاجة جديدة، اشتغل في أي مجال وأي حاجة، وما تستقلش شغلانة، وحاول تربط الحاجة دي باللي بتدرسه، لإن باختصار شديد، مش معقولة ربنا يكون أراد إنك تدخل الكلية دي بعينها كدة عبثا، حاشا لله، أكيد في سبب من وجودك في المكان ده ليه علاقة بشغفك. :)
3 - كلاكيت تاني، وعاشر مرة :D ... إوعاك تفتكر إن النشاط الطلابي أو التطوع مضيعة للوقت، أقسم بالله ده هو اللي خلانا بني آدمين، وع رأي المثل: "اللي ما اشتغلش Volunteer فاته كتير"، وما تنسوش إن بداية إني عرفت شغفي فين هو إني إشتغلت في جمعية خيرية. :)
4 - ودي نقطة عملية جدا، إرجع بتاريخ حياتك ورا 5 سنين وشوف اللي حصلك من 5 سنين لحاد دللوقتين صدقني هتعرف منها شغفك، ولعل قصتي توصلك الفكرة دي
5 - أخيرا، أصبر!. حتى لو مش لاقي اللي انت عاوزه دلوقتي، أنا قعدت 10 سنين في دراسة في كليتين إلى حد ما مختلفتين وفي الآخر ما أشتغلتش باللي إتعلمته فيهم :D
مش عيب إنك تضيع 10 سنين من عمرك، عشان تبدأ رحلة تحقق فيها شغفك ... العيب هو إنك تضيع عمرك كله، في مجال مش بتحبه! :)
أخيرا، في حاجة مكنتش عاوز أقولها بس لازم أقولها، لإن هيجي لها يوم أكيد، وهأقولكم دي هي شغفي وحلمي بجد :) ... أنا #حلمي والحاجة اللي عايش عشانها هي إني أطور منكم ومن كل واحد اتعاملت معاه، لإني عارف إن مفيش حل لمشاكلنا غير بتغيير أنفسنا: "إن الله لا يغير ما بقوم حتى يغيروا ما بأنفسهم" :)
وفي نهاية المشاركة الطويلة دي، وأعتذر جدا عن الإطالة 3:) بأطلب أغنية، ست الحبايب، قصدي، دور بنفسك :D
http://bit.ly/1zRrVqb
ما تنسوش تدعوا لي بالزوجة الصالحة عشان أنا زهقت والله :P :D
سلام عليكم :D
كتير مننا نفسه يعرف هو مميز في إيه؟ إيه المجال اللي بيحبه فعلا؟ وإشمعنا المجال ده تحديدا؟ ... أكيد الأسئلة دي بتدور في دماغ كل واحد، بدأ يدور على #وظيفة يبدأ بيها رحلة الكفاح الخاصة بيه ... تعالوا في المشاركة الطويلة دي أحكي لكم عن تجربتي الشخصية اللي أتمنى إنها تكون مفيدة ليكم. :)
الحكاية بدأت لما كنت في أولى إعدادي، سنة 1998، زي معظم الجيل بتاعنا، أيام ما كان لسة الكمبيوتر طالع، وويندوز 95 مكسر الدنيا :D ... من ساعتها حبيت الجهاز ده واتعلقت بيه بشكل غير طبيعي <3 ^_^ ... عدت الأيام بسرعة، وصلنا سنة 2003، وخلصت ثانوية عامة، وكانت لسة #حاسبات أسيوط فاتحة جديد، فقررت ساعتها أدخلها بس عشان حاجة ليها علاقة بالحاجة اللي "حبيتها" وهي #الكمبيوتر :) ... شاء المولى عز وجل إني أدخل #هندسة بدل حاسبات، بناءا على رغبة العيلة عندي :( ... وعشت تجربة صعبة جدا، نبقى نفصلها في مشاركة تاني بعدين ان شاء الله، كان نهايتها سنة 2009 بعد ما كنت خلصت كل سنين الدراسة في هندسة، قررت إني أدخل حاسبات واحقق رغبتي في إني أدرس الحاجة اللي "بحبها"، أخيرا :D ... لكني للأسف دخلت حاسبات وطلعت منها، وإكتشفت إن الكمبيوتر (كعلم البرمجة وتصميم النظم) مش هو شغفي ولا الحاجة اللي "بحبها"!! :O ... تخيلوا؟! :\
ناس كتير يمكن يستغربوا الكلام ده: إزاي يا عم؟! ده إنت عملت اللي محدش عمله!! (إني درست كليتين يعني xD) ، ده أنت كنت طالع بحاسبات ومجال ال IT ده السما!! (ولازلت والمصحف :D ) ... تعالوا أحكي لكم إيه اللي حصل! ^_^
إكتشفت بعد مرور أكتر من 10 سنين إن الحاجة اللي أنا بأحبها فعلا وبألاقي نفسي فيها هي "الماركيتينج #Marketing" ... ويمكن تستغربوا لو قولت لكم إني من حوالي 5 شهور تقريبا بس، لسة عارف إن ده المجال اللي أنا بحبه ونفسي أكمل فيه بقية حياتي، على الرغم من إني شغال في المجال ده ليا أكتر من 8 سنين وأنا مش عارف، آه والله زيمبئولك كدة :D
طيب إزاي عرفت ده؟ ...
تعالوا أجيب لكم الموضوع من البداية، وأحكي لكم قصة الكفاح :D
سنة 2005 روحت جمعية #القرماني الخيرية، كنت رايح بس أحفّظ قران مش أكتر، لقيتهم في مرة بيقولوا إننا محتاجين حد يفهم في الكمبيوتر يعمل لنا تصميمات للكتب اللي فيها الأحاديث اللي بنوزعها على الأطفال، قالوا لي مفيش غيرك، قولتلهم أنا ما أعرفش حاجة في #التصميم ده، قالوا لي بس حاول، قعدت أخبط وأحاول وأتعلم لحاد ما عملت لهم شغل مية مية، وما أخبيش عليكم طمعوا بعدها فيا :D بقيت مسئول مسئولية تامة عن شغل "الدعايا" بتاع الجمعية، يعني Marketing Executive، عملت لهم كل المطبوعات وعملت لهم الويب سايت بتاعهم، وكنت بروح أتعامل مع شركات الدعايا (زي شركة #الهدف)، ومش بس كدة بقيت بروح أقابل الناس وأجيب تبرعات للجمعية، سيبت الجمعية لحاد لما بقي ليها سبع أفرع في قرى #أسيوط (كل ده وأنا مش عارف إن اللي بأعمله ده ماركيتينج :D آه والله زيمبئولك كدة xD) ...
بعد 3 سنين، تحديدا سنة ،2008 حصلت لي ظروف اجتماعية قررت إني لازم آخد خطوة وأشتغل في حاجة تجيب #فلوس، فقررت أروح أشتغل في شركة الهدف، واحدة من أكبر شركات #الدعايا في أسيوط (اللي كنت بأودي عندها الشغل بتاع الجمعية)، واشتغلت عندهم Graphic #Designer لمدة سنتين، اتعلمت فيهم حاجات كتير زي إنك إزاي تقابل الزبون وتقنعه وغيره، كلها حاجات ماركتينج برده :D (وبرده ده وأنا مش عارف إن اللي بأعمله ده ماركيتينج :D) ...
بعدين الدراسة ضغطت على الواحد، واتبهدلت :D ... كان الكلام ده سنة 2012، فقررت إني أسيب الشغل :( ... بس أنا من عادتي إني مش بأحب أقعد ساكت كدة :D ... بدأت أعمل نشاط في الكلية وأساعد على قد ما أقدر في إني أغير فكر الطلبة، عشان ما يعيشوش نفس التجربة الأليمة اللي أنا عشتها :P :D ... فعملت مبادرة #إتعلم Et3allem، وكان الأساس فيها إننا "نسوق" لفكرة (إنك كطالب ممكن تتغير وتبقى بني آدم صح) ... ويمكن معظمكم عاش معايا التجربة دي بحلوها ومرها :') ... واتعلمت فيها إزاي "أسوق" للفكرة دي أونلاين، وعملت ضجة كبيرة أونلاين وصلت لأكتر من 20 جامعة على مستوى الجمهورية، واتعلمت فيها مجال ال Digital Marketing (والمصحف الشريف برده ما كنت أعرف إن ده ماركيتينج، آه والله .. آه والله .. آه والله xD)
أكيد زهقتوا من كتر الكلام، لسة بدري يا برنجي :P :D ... طيب، برده إزاي عرفت إن ده مجالك؟ -_- ...حاضر :D من حوالي 5 شهور كنت بدأت أدور على شغل، وما أخبيش عليكم عشت تجربة صعبة جدا، كان عنوانها: #60_يوم_من_العزلة، أتمنى ترجعوا لها من اللينك ده وانتوا هتعرفوا إزاي عرفت شغفي :)
http://on.fb.me/1E8xejH
أخيرا، عاوز أقولكم إني بفضل الله تعالى، ثم بالشغف اللي عندي، حاليا شغال "مساعد مدير #التسويق Assistant Marketing Manager" في شركة "فرنسية" إسمها Rêny، في Position محتاج سنتين على الأقل عشان توصله، والحمد لله أنا وصلت له في أقل من 6 شهور، كل ده عشان أنا عرفت شغفي فين! :) ... والله ربنا سبحانه وتعالى أكرمني كرم كبير جدا، وأقسم بالله لو الواحد هيجيب ورقة وقلم ويقعد يخطط لحياته، والله ما كنت هتخيل العملية بالجمال ده :D ... فالحمد لله المدبر لأمورنا والعالم بأحوالنا، أحبك ربي <3 ^_^
بس مش عاوز أختم كلامي غير بمجموعة #نصايح وكلام عملي تبدأوا تشتغلوا عليه عشان تعرفوا تلاقوا شغفكم وتعرفوا إيه الحاجة اللي بتحبوها ونفسكم تشتغلوا فيها بعدين :) ... فصلوا بينا ع حضرة النبي صلى الله عليه وسلم، وهاتوا ورقة وقلم ومرايا وخلوا بالكم معايا :D ... تعالوا نشوف الوصايا الخمس عشان تلاقي شغفك:
1 - أول حاجة وأهم حاجة، إنك تستعين بالله، أقسم بربي لولا #الاستعانة بالله لكنت هلكت ... إدعي ربنا يوفقك إنك تعرف إنت إتخلقت ليه، وخلليك على يقين إنك أكيد بعونه وتوفيقه سبحانه هتوصل، وطالما توكلت على الله وسلمت أمرك ليه، يبقى تمشي في السكة اللي ربنا رسمهالك وتصبر لإن أكيد أخرها كل خير ^_^
2 - اتحرك. مش معقولة هتعرف إنت مميز في إيه من غير ما تجرب حاجة جديدة، اشتغل في أي مجال وأي حاجة، وما تستقلش شغلانة، وحاول تربط الحاجة دي باللي بتدرسه، لإن باختصار شديد، مش معقولة ربنا يكون أراد إنك تدخل الكلية دي بعينها كدة عبثا، حاشا لله، أكيد في سبب من وجودك في المكان ده ليه علاقة بشغفك. :)
3 - كلاكيت تاني، وعاشر مرة :D ... إوعاك تفتكر إن النشاط الطلابي أو التطوع مضيعة للوقت، أقسم بالله ده هو اللي خلانا بني آدمين، وع رأي المثل: "اللي ما اشتغلش Volunteer فاته كتير"، وما تنسوش إن بداية إني عرفت شغفي فين هو إني إشتغلت في جمعية خيرية. :)
4 - ودي نقطة عملية جدا، إرجع بتاريخ حياتك ورا 5 سنين وشوف اللي حصلك من 5 سنين لحاد دللوقتين صدقني هتعرف منها شغفك، ولعل قصتي توصلك الفكرة دي
5 - أخيرا، أصبر!. حتى لو مش لاقي اللي انت عاوزه دلوقتي، أنا قعدت 10 سنين في دراسة في كليتين إلى حد ما مختلفتين وفي الآخر ما أشتغلتش باللي إتعلمته فيهم :D
مش عيب إنك تضيع 10 سنين من عمرك، عشان تبدأ رحلة تحقق فيها شغفك ... العيب هو إنك تضيع عمرك كله، في مجال مش بتحبه! :)
أخيرا، في حاجة مكنتش عاوز أقولها بس لازم أقولها، لإن هيجي لها يوم أكيد، وهأقولكم دي هي شغفي وحلمي بجد :) ... أنا #حلمي والحاجة اللي عايش عشانها هي إني أطور منكم ومن كل واحد اتعاملت معاه، لإني عارف إن مفيش حل لمشاكلنا غير بتغيير أنفسنا: "إن الله لا يغير ما بقوم حتى يغيروا ما بأنفسهم" :)
وفي نهاية المشاركة الطويلة دي، وأعتذر جدا عن الإطالة 3:) بأطلب أغنية، ست الحبايب، قصدي، دور بنفسك :D
http://bit.ly/1zRrVqb
ما تنسوش تدعوا لي بالزوجة الصالحة عشان أنا زهقت والله :P :D
سلام عليكم :D
تعليقات
إرسال تعليق