الفترة الأخيرة كنت بدأت أدور على شغل في مجال ال Digital Marketing، والحمد لله عملت أكتر من interview وكنت موفق فيهم جدا بفضل الله تعالى، بس لاحظت حاجة!! ... للأسف كل الشركات بتركز في اللي هيشتغل عندها إنه يكون فاهم التقنية بس مش أكتر، ويمكن مفيش غير شركة أو إتنين طلبوا مني أجيب لهم أفكار تسويقية إبداعية ... على الرغم من إني عارف إن الأفكار غالبا بتكون شغلانة ال Copywriter إلا إن في بعض ال positions كانت Executive / Manager وكان غريب جدا إنك تعين مدير تسويق رقمي وهو معندوش أفكار إبداعية للتسويق!! ... فعملت التدوينة دي عشان أوضح أهمية الأفكار الإبداعية في التسويق الرقمي :)
أنا هأديلكم تلات أمثلة لإستخدام ال Technology للتسويق للأفكار بطريقة إبداعية:
- في واحد Designer السنة اللي فاتت إسمه Robby Leonardi فكر بشكل إبداعية إزاي ممكن يسوق لنفسه، فعمل ال CV بتاعته على شكل لعبة أونلاين سوبر ماريو، كل لما تعدي level تشوف موضوع في ال CV، ممكن تشوفوا الفكرة بتاعته من هنا، بصراحة شغل فنادق :D
- وهنروح بعيد ليه؟! ... ده من حوالي أسبوع واحد بس Jumia بدأت الحملة التسويقية الجديدة بتاعتهم، وبرده أحسنوا إستخدام ال Technology في عرض الفكرة بتاعتهم بشكل إبداعي، إنهم شقلبوا الموقع زي ما الفيديو إتشقلب والدنيا كلها كمان اتشقلبت!!، برده فكرة حلوة وجديدة (بالنسبة لي ع الأقل) ^_^
- أخيرا ... لسة والله النهاردة كنت بأدور على وظيفة كدة وعترت على ال App ده ... حاجة روعة بصراحة، هو بيسوق لشركته بطريقة غير مباشرة من خلال إنه يعمل معاك Virtual Interview قمة في الإبداع والمتعة. ^_^
طيب أعمل إيه عشان أقدر أجيب أفكار إبداعية زي دي في شغلي:
- إستعين بالله، إدعي ربنا يلهمك بأفكار جديدة ومميزة وإصدق والله هتشوف كرم ربنا بنفسك. ^_^
- تابع الحملات الإعلانية للشركات الكبيرة، دايما بيكون فيها أفكار إبداعية تقدر منها تكون أفكار جديدة.
- وأكيد لازم تفهم التقنيات وتتابع الجديد اللي في المجال كويس جدا وتشتغل عليها، وخد لبالك فهمك للتقنيات هيفتح لك باب أفكار إبداعية كتيرة، يعني على سبيل المثال إنت لو ما تعرفش إن الفيس في موضوع ال Apps ده، إزاي هتعمل Game مثلا وتسوق بيها للفكرة بتاعتك. :)
- أخيرا، إن شاء الله قريب هأعمل تدوينة بعنوان: "إزاي أعمل Plan إبداعية ومميزة"، هأعرض لكم فيها تجربتي الخاصة مع ال Digital Marketing Plans، فخليك متابع المدونة، ما تغيروش المحطة :D
كل اللي أنا عاوز أقوله في التدوينة الصغيرة دي، مقولة لإينشتاين كان دايما يقولها لنا واحد من أساتذتنا (الله يرحمه) ... كان بيقول: "القدرة على التخيل أكثر أهمية من المعرفة" (Imagination is more important than knowledge) ..
أتمنى تكون التدوينة عجبتكم وخليكم متابعين المدونة بشكل دايم عشان تعرفوا كل جديد :)
تعليقات
إرسال تعليق