سلام عليكم زوار البلوج الكرام :)
من زمان وأنا بأشوف ناس كتير عاملة بلوج وبتنشر فيه بشكل دايم، وما أخبيش عليكم كنت شايف إن الموضوع ملوش لازمة قوي يعني، وإن اللي هتكتبه في البلوج ممكن تكتبه في أي مكان تاني :\ ... لحاد لما حسيت إن ربنا أكرمني بفضل ونعمة كبيرة وهي إني بأحب أتعلم، وبأقدر أوصل للمعلومة بكل سهولة بفضل الله، فقولت ليه ما أشاركش المعلومة اللي عندي مع الناس يمكن حد يستفيد بيها :D
طيب أنا بأفهم في إيه بالظبط وإيه اللي أعرفه:
- أنا طالب ماجيستير، وخريج حاسبات ومعلومات أسيوط دفعة 2013 تخصص نظم معلومات، يعني الحمد لله بأفهم في التكنولوجي والبيزنس :D
- مهتم بالتعليم الجامعي وتطويره، وعندي مشروع لتطوير التعليم، اسمه اتعلم :)
- أنا ليا خبرة كويسة جدا في مجال التصميم "Graphic Design" وشبكات التواصل الإجتماعي "Social Media Marketing" واشتغلت فيه كتير الحمد لله، ودي ال Portfolio بتاعتي.
- الفترة الأخيرة بدأت أهتم بمجال التسويق الرقمي "Digital Marketing" بعد ما أكتشفت إني شغال فيه من خمس سنين وأنا مش واخد لبالي، الحمد لله :D
أكيد إن شاء الله كلامي في البلوج هيكون عن المواضيع اللي بأفهم فيها ومواضيع تانية إن شاء الله :) ...
على كل حال أنا نويت، والله المستعان، إني أبدأ في الموضوع ده وأتمنى تساعدوني فيه بمشاركاتكم وآرائكم في كل اللي هأقوله بإذن الله تعالى، وأتمنى ليكم الاستفادة من كل اللي هأقدمه لكم إن شاء الله :)
 |
| طلعت في دماغي أعمل بلوج :D |
تعليقات
إرسال تعليق