طبعا أنا كنت قولت لكم إن الفترة اللي فاتت كنت بدأت أدور على شغل وكدة والحمد لله في بشاير خير كتير، بس دعواتكم :) ... المهم أنا هأتكلم في التدوينة الصغيرة دي عن تجربتي الشخصية مع ال HR Departments في كل الشركات اللي قدمت فيها عشان الشغل وكدة، وأتمنى تستفيدوا منها. :)
الناس اللي شغالين في ال HR في أي شركة المفروض يعرفوا إنهم بيدوا الإنطباع
الأول والدائم للناس عن الشركة، لإن ببساطة خالص أنا لو إتقدمت لوظيفة في
شركة ولقيت معاملة مش ولابد من الأول من الموظفين بتوعها أكيد هاخد انطباع
برده مش ولابد عن الشركة نفسها، لإن إذا كانوا هما بيتعاملوا معانا كدة
يبقى أكيد هما مش مبسوطين في شغلهم مثلا :\ ... كمان وللأسف إحنا شعب ال
Social Currency عنده عالية قوي، يعني ما هأصدق إن شركة تعاملني وحش،
وهأنشر المعاملة دي بين كل الناس اللي أعرفهم، إحنا دايما للأسف بنتكلم عن
السلبيات أكتر من الإيجابيات، مش كدة ولا إيه؟! :)
تعالوا بس في الأول أوريكم الشركات المحترمة إزاي ممكن تديلك إنطباع عن الشركة وتحببك فيها حتى قبل ما يعملوا معاك الإنترفيو أو يقابلوك من الأساس:
- شركة "Google"، طبعا مش محتاج أوضح ال Professionalism عندهم شكله إزاي :D ... كنت قدمت ع وظيفة عندهم، بمجرد ما عملت Submit اتبعت لي Automated Message بيشكروني على التقديم في الوظيفة :) ... بالله عليكم حاجة زي دي تكلف فريق ال HR قد إيه عشان يعملها؟ :\ ... بس شوفوا الأثر النفسي اللي هتسيبه للشخص اللي مقدم عندهم؟! ^_^
- شركة "Microsoft"، برده حدث عن ال Professionalism ولا حرج ^_^ ... كنت قدمت في وظيفة عندهم، وللأسف الوظيفة دي إتلغت لسبب ما، تخيلوا يبعتوا يعتذروا للناس اللي مقدمين في الوظيفة حتى لو كانوا مش Shortlisted ... إيه الرقي والجمال ده!! :)
- أو حتى نفترض إنك ما إتقبلتش في وظيفة معينة كنت قدمت فيها برده لازم يبعتوا لك عشان تشوف غيرها، وممكن تبقى Automated برده يا عالم! -_-
على النقيض، تعالوا بقى نشوف بعض الشركات التانية، واللي للأسف في منها شركات كبيرة جدا، تلاقي الناس بتوع ال HR مثلا، يقولك أسبوع وهنرد عليك ويقعدوا بالشهر منفضين ... تبعت لهم برده ما يردوش، بس هما مش واخدين لبالهم إني ممكن أعمل Tracking للرسالة وأعرف إذا كانوا شافوا الرسالة ولا لأ :D
اللي عاوز أقوله بس، إن إخوانا في ال HR لازم يكونوا Professional شوية أكتر من كدة :) ... لازم يحسسوا اللي بيقدم عندهم إنه شخص مهم زيه زي ال Customer، بل يمكن أهم، لإن ده ممكن في يوم من الأيام يبقى زميلهم في الشركة نفسها، وأكيد هيبقى في نفسه من ناحية الناس دول شوية حزازيات ... حتى برده لو ما اشتغلش في الشركة دي، ممكن ربنا يكرمه بمكان تاني، وبعدين بتوع ال HR يروحوا المكان ده :D ... ممكن ولا مش ممكن؟! :D
على كل حال أنا سعيد جدا بتجربتي اللي قربت تكمل ال 3 شهور في رحلة البحث عن وظيفة واللي بإذن الله تعالى هيكون أخرها كل خير إن شاء الله تعالى، أنا على يقين بالله من كدة إن شاء الله ^_^
أتمنى تكون التدوينة عجبتكم، وتابعوا المدونة بشكل دايم عشان تعرفوا كل جديد، ما تنسوناش من دعواتكم :)
تعليقات
إرسال تعليق