#60_يوم_من_العزلة
يمكن كتير منكم لاحظ اختفائي الكبير الفترة اللي فاتت واللي يمكن وصلت لأكتر من شهرين ... ويمكن الاختفاء ده كان ليه أسباب، وأكيد إتعلمت منه دروس كتيرة جدا، فتعالوا أشارك معاكم تجربة ال 60 يوم دول معاكم يمكن حد فيكم يستفيد منها في حياته فيما بعد بإذن الله :) ...
يوم 5/4 كان يوم فرح أخويا م. أحمد، الله يبارك له في زوجته ويخلف عليهم بالذرية الصالحة، قولوا آمين :D ... المهم اليوم ده رغم إني كنت فرحان جدا لأحمد أخويا بفرحته، إلا إني كنت من جوايا حزين جدا ع حالي وبحاول أداري حزني لكن الناس لاحظت :( ... صحيح، العمر عدى بسرعة وقربت أكمل 28 سنة ولسة ما عملتش حاجة، لا اتجوزت ولا اشتغلت ولاحتى نجحت في إني أبدأ مشروعي الخاص، أو حتى معايا درجة أعلى، ماجيستير مثلا، أحس بيها إني بأنجز في دنيتي وبأعمل حاجة :\ ...
عدى عليا اليوم بشكل مش قادر أتصوره لحاد دلوقتي!، وبدأ أسبوع عشت في فترة من أصعب فترات حياتي لحاد دلوقتي والله، فيها من الضيق النفسي والإكتئاب الكفيل بإنه يقضي على الواحد كلية :3 ... قفلت موبايلاتي وقفلت الفيس وتويتر وبقيت أصلي في البيت وغالبا قاعد طول الوقت في أوضتي نايم، ووصل بيا الحال إني بقيت أدعي ربنا الدعاء ده: "اللهم أحيني ما علمت الحياة خيرا لي، وتوفني ما علمت الوفاة خيرا لي"، صحيح والله بدأت أفكر إن خلاص كل حاجة إنتهت ومفيش أمل، وإن الواحد يموت أحسن، خلااااااص جيبت آخري :'( ... لحاد ما جت اللحظة دي :) ...
في ليلة آخر الأسبوع ده، قمت قبل صلاة الفجر بحوالي ساعة، اتوضيت وصليت ركعتين، وقعدت أناجي ربنا، وأبكي، وأحكي له حالي زي ما أكون بأشكي لأعز صاحب ليا، ولله المثل الأعلى طبعا :) ... والله العظيم، بمجرد ما خلصت من هنا ولقيت منحة ربنا جت من هنا، مش هأقولك نور ربناني ولا إتفتحت لي طاقة القدر :D ... لكني جالي إلهام من عند ربنا، كان مفاده: "طيب وآخرة القعدة إيه؟! قوم دور ع شغل وشوف مستقبلك" ^_^ ...
والله أنا فاكر اتحمست جدا ساعتها، لدرجة إني صليت الفجر في البيت، مع إني المفروض أنزل أصلي ف الجامع شكر لله :D ... المهم بدأت بقى أدور ع شغل أدخل أي موقع وأرمي في ال CV بتاعي في أي مكان، زي ما يكون واحد جعان ليه سنة ما أكلش تصوروا بقى هيعمل إيه!! >_< ... بلاش أفصل عشان الفضايح :D ...
المهم قعدت ع الحال ده حوالي أسبوعين، مفيش أي رد، ولا حد عبرني :\ ... رجعت لحالة أسوأ من اللي كنت عليها والله، قعدت فيها لمدة يومين :( ... بعدين لقيت الناس والله زي ما يكونوا متفقين عليا، كتير منهم رد عليا في يوم واحد :D ... بس للأسف الرد كان كالتالي: "شاكرين جدا لاهتمامك بالوظيفة، بس للأسف إنت ما تنفعش خالص" -_- ... مش عاوز أقولكم حالتي ساعتها بقى! كلهم قالوا نفس الرد والله، زي ما يكونوا أخدوه copy & paste من بعض :'( ... ساعتها قعدت أبكي، وقفلت ع نفسي الأوضة، ورجعت أدعي تاني: "اللهم أحيني ما علمت الحياة خيرا لي، وتوفني ما علمت الوفاة خيرا لي" :( ...
بس بعدين قولت لنفسي: "أكيد في حاجة غلط، مش معقولة كلهم يجمعوا إنك ما تنفعش في الوظايف دي، رغم إن ناس كتيرة قالت لي إني شخص مميز جدا بفضل الله" ... ويمكن آخرهم واحد قال لي: "إنت بصراحة مش لايقة عليك موظف دي، إنت تنفع مدير شركة" ... يمكن كلام زي ده تتوقعوا إنه يحمسني، لكنه والله للأسف زادني إحباط :( ... إزاي أنفع أبقى مدير شركة، وأنا مش راضيين حتى يقبلوني في وظيفة عادية :( ...
قومت اتوضيت وصليت، وقولت لربنا وأنا بأناجيه بنفس اللفظ كدة: "أنا مش عارف أتصرف يا رب، حلها من عندك" :( ... والله بدون مبالغه، في لحظتها جه الفرج :D ... قومت بصيت ع ال CV لقيت نفسي بأقول: "طيب والله معاهم حق يرفضوني، إيه ال CV اللي مش معروف صاحبه بيعرف يشتغل إيه ده؟!" -_- ...
وبدأت أدور على مواقع توظيف، وربنا أكرمني بأفضل موقعين من وجهة نظري وخبرتي معاهم الشهرين اللي فاتوا: Bayt.com, Wuzzuf.com ... لو أقولكم على كمية الاستفادة اللي حققتها من الموقعين دول مش هأخلص، ربنا يبارك في القائمين على المواقع دي ويجازيهم كل خير والله ^_^
إتعلمت بقى إنك عشان تقدم لوظيفة لازم تكون عارف هما عاوزين إيه بالظبط، وتعمل ال CV بحيث يناسب تماما اللي هما عاوزينه، بس خد لبالك ما تألفش ولا تبالغ لإنك ببساطة هتتكشف وتتفضح، وبالمناسبة ده حصل معايا في أول interview بس بلاش فضايح!! :D ...
المهم، قدمت في وظايف كتيرة جدا: Developer, Designer, TA, Trainer ... وكلموني شركات كتيرة بفضل الله تعالى وفي بعضهم حدد معايا مقابلات أونلاين ع Skype بفضل الله ^_^ ... بس للأسف، بعد الاتصالات والمقابلات، كانت النتيجة المرة دي حاجة من إتنين: يا إما إني Over Qualified أو Under Qualified ... طبعا إنتوا توقعتوا دلوقتي إيه اللي حصل!! :\ ... إنفجرت بمعنى الكلمة في البكاء :'( ... يا إخوانا حرام والله، أنا فعلا مؤهل إني أشتغل الشغلانات دي كلها، ليه ترفضوني؟ حرااااااااام :'( ...
والله فاكر اللحظة دي، كانت يوم "الجمعة" قبل المغرب بنص ساعة، قعدت أبكي، وفاكر إني ما قولتش حاجة غير: "يا الله" :'( ... جالي إلهام برده إني أجيب ورقة وقلم، وأقسمها نصين: نص أكتب فيه أنا إيه اللي مميز فيه، والنص التاني، أنا إيه اللي محتاج أقوي نفسي فيه ... وأقسم لكم بالله، كنت بأعمل الكلام ده وأنا فاقد الأمل بنسبة 99% بس قولت أكمل ... دخلت على Bayt ومسحت كل ال CVs بتاعتي وعملت CV جديد ويمكن قدرت أوصل للتخصص ده بعد موضوع الورقة :) ...
عرفت أخيرا بفضل الله تعالى أنا مميز في إيه!! ^_^ ... وإكتشفت إني شغال في الموضوع ده ليا أكتر من 5 سنين وأنا مش عارف :D ... آه والله زي مبئولك كدة >_< ... "ذلك فضل الله يؤتيه من يشاء والله ذو الفضل العظيم" ... أحبك ربي <3 ^_^
المهم عملت ال CV وبعت لكل الشركات اللي فيها التخصص ده ... ومش عاوز أقولكم بفضل الله تعالى ال Relevance كان شكله إزاي وال Ranking بتاعي في الوظايف بفضل الله ما قلش عن أول 20 واحد، بفضل الله، اللهم لك الحمد والشكر ^_^
الحمد لله، بدأت الشركات تتواصل معايا بشكل جاد جدا، وطلبوني أعمل interviews ... وفعلا سافرت وعملت مقابلات في أكتر من مكان، وكلهم بفضل الله تعالى شركات كبيرة ومحترمة وليها وزنها في السوق ... صحيح كانوا بياخدوني غسيل ومكواه في المقابلات دي :D ... بس أقسم بالله، بأبقى في قمة سعادتي وأنا عارف أجاوب على أسئلتهم وعندي ثقة في الله أولا ثم في نفسي، بصراحة إحساس رائع، ربنا يكرمكم وتجربوه ^_^ ... كل ده عشان إنت رايح تشتغل في حاجة إنت فاهمها بجد، مش بتدعي إنك فاهمها، الحمد لله ^_^ ...
صحيح يمكن لسة ما حدش من الشركات دي رد عليا لحاد دلوقتي، وده يمكن لإني شرحت لهم ظروف دراستي، وهما منتظرين إني أخلص مثلا ;) ... وحتى والله لو صرفوا نظر مش هأزعل، يكفي إني عرفت أنا عاوز إيه؟! وإيه اللي هأشتغل فيه بإذن الله تعالى، اللهم لك الحمد والشكر <3 ^_^ ...
طيب، إيه "الوصايا العشر" اللي عاوزكم تطلعوا بيها من كلامي، عشان أقولكم "تلك عشرة كاملة" زي الدكتور راغب السرجاني، ركزوا معايا:
1 - أول حاجة وأهم حاجة، إنك تستعين بالله، أقسم بربي لولا الإستعانة بالله لكنت هلكت، فالحمد لله الذي هدانا لهذا وما كنا لنهتدي لولا أن هدانا الله :)
2 - طالما توكلت على الله وسلمت أمرك ليه، يبقى تمشي في السكة اللي ربنا رسمهالك وتصبر لإن أكيد أخرها كل خير ^_^
3 - حاجة مهمة جدا، لازم تخطط لحياتك صح، تعرف إنت كويس في إيه!!، ومحتاج تقوي نفسك في إيه!!، وتعرف السوق محتاج إيه!!، وإنت بتحب إيه وعاوز تكمل فيه!!
4 - لما تعمل CV خليه موجه ومحدد لوظيفة بعينها، وخليك صادق مع نفسك في كل حرف بتكتبه فيه
5 - استخدم مواقع التوظيف زي Bayt و Wuzzuf هيساعدوك جدا، وما تنساش تولي LinkedIn اهتمام كبير جدا، وتديله من وقتك ومجهودك.
6 - لو انت في دراسة، اعرف انت عاوز إيه من قبل ما تتخرج وإشغل نفسك بيه
7 - إوعاك تفتكر إن النشاط الطلابي أو التطوع مضيعة للوقت، أقسم بالله ده هو اللي خلانا بني آدمين، وع رأي المثل: "اللي ما اشتغلش Volunteer فاته كتير" :D
8 - إتعلم، ما تخليش يوم يعدي عليك من غير ما تتعلم :)
9 - اشترك في أي internship روح وافرض نفسك ع الشركات ما تقولش مش هيقبلوني، قدم وارمي تكالك على الله، وعمره ما هيسيبك
10 - أخيرا ... إتعلم تسوق لنفسك صح، تعرف إزاي تظهر مزاياك للشخص اللي قدامك أكتر من عيوبك، لو عندك انجازات حتى ولو صغيره إعرضها، خللي عندك ثقة في نفسك وفي الله اتعالى ، وما تخليش حدود لثقتك في الله ^_^
دلوقتي أنا منتظر الشركات تتواصل معايا عشان تبلغني بموقفي، وفي نفس الوقت داخل على امتحانات الماستر ... فبالله عليكم، إذا كان حد استفاد بأي حاجة أنا قولتها في البوست ده، ياريت ما ينسانيش من دعوة صالحة "بظهر الغيب"، وله بمثل إن شاء الله ^_^
بأعتذر عن الإطالة دي جدا، بس هو الموضوع في تفاصيل كتيرة خالص وأنا حاولت أختصر فيه على قد ما قدرت والله، وإن شاء الله هيجي تفصيله في كورس كامل هأجهزه لكم قريب بإذن الله تعالى، وإن شاء الله ينال إعجابكم جميعا ^_^
لا تنسوني من دعوة صالحة بظهر الغيب ^_^
يمكن كتير منكم لاحظ اختفائي الكبير الفترة اللي فاتت واللي يمكن وصلت لأكتر من شهرين ... ويمكن الاختفاء ده كان ليه أسباب، وأكيد إتعلمت منه دروس كتيرة جدا، فتعالوا أشارك معاكم تجربة ال 60 يوم دول معاكم يمكن حد فيكم يستفيد منها في حياته فيما بعد بإذن الله :) ...
يوم 5/4 كان يوم فرح أخويا م. أحمد، الله يبارك له في زوجته ويخلف عليهم بالذرية الصالحة، قولوا آمين :D ... المهم اليوم ده رغم إني كنت فرحان جدا لأحمد أخويا بفرحته، إلا إني كنت من جوايا حزين جدا ع حالي وبحاول أداري حزني لكن الناس لاحظت :( ... صحيح، العمر عدى بسرعة وقربت أكمل 28 سنة ولسة ما عملتش حاجة، لا اتجوزت ولا اشتغلت ولاحتى نجحت في إني أبدأ مشروعي الخاص، أو حتى معايا درجة أعلى، ماجيستير مثلا، أحس بيها إني بأنجز في دنيتي وبأعمل حاجة :\ ...
عدى عليا اليوم بشكل مش قادر أتصوره لحاد دلوقتي!، وبدأ أسبوع عشت في فترة من أصعب فترات حياتي لحاد دلوقتي والله، فيها من الضيق النفسي والإكتئاب الكفيل بإنه يقضي على الواحد كلية :3 ... قفلت موبايلاتي وقفلت الفيس وتويتر وبقيت أصلي في البيت وغالبا قاعد طول الوقت في أوضتي نايم، ووصل بيا الحال إني بقيت أدعي ربنا الدعاء ده: "اللهم أحيني ما علمت الحياة خيرا لي، وتوفني ما علمت الوفاة خيرا لي"، صحيح والله بدأت أفكر إن خلاص كل حاجة إنتهت ومفيش أمل، وإن الواحد يموت أحسن، خلااااااص جيبت آخري :'( ... لحاد ما جت اللحظة دي :) ...
في ليلة آخر الأسبوع ده، قمت قبل صلاة الفجر بحوالي ساعة، اتوضيت وصليت ركعتين، وقعدت أناجي ربنا، وأبكي، وأحكي له حالي زي ما أكون بأشكي لأعز صاحب ليا، ولله المثل الأعلى طبعا :) ... والله العظيم، بمجرد ما خلصت من هنا ولقيت منحة ربنا جت من هنا، مش هأقولك نور ربناني ولا إتفتحت لي طاقة القدر :D ... لكني جالي إلهام من عند ربنا، كان مفاده: "طيب وآخرة القعدة إيه؟! قوم دور ع شغل وشوف مستقبلك" ^_^ ...
والله أنا فاكر اتحمست جدا ساعتها، لدرجة إني صليت الفجر في البيت، مع إني المفروض أنزل أصلي ف الجامع شكر لله :D ... المهم بدأت بقى أدور ع شغل أدخل أي موقع وأرمي في ال CV بتاعي في أي مكان، زي ما يكون واحد جعان ليه سنة ما أكلش تصوروا بقى هيعمل إيه!! >_< ... بلاش أفصل عشان الفضايح :D ...
المهم قعدت ع الحال ده حوالي أسبوعين، مفيش أي رد، ولا حد عبرني :\ ... رجعت لحالة أسوأ من اللي كنت عليها والله، قعدت فيها لمدة يومين :( ... بعدين لقيت الناس والله زي ما يكونوا متفقين عليا، كتير منهم رد عليا في يوم واحد :D ... بس للأسف الرد كان كالتالي: "شاكرين جدا لاهتمامك بالوظيفة، بس للأسف إنت ما تنفعش خالص" -_- ... مش عاوز أقولكم حالتي ساعتها بقى! كلهم قالوا نفس الرد والله، زي ما يكونوا أخدوه copy & paste من بعض :'( ... ساعتها قعدت أبكي، وقفلت ع نفسي الأوضة، ورجعت أدعي تاني: "اللهم أحيني ما علمت الحياة خيرا لي، وتوفني ما علمت الوفاة خيرا لي" :( ...
بس بعدين قولت لنفسي: "أكيد في حاجة غلط، مش معقولة كلهم يجمعوا إنك ما تنفعش في الوظايف دي، رغم إن ناس كتيرة قالت لي إني شخص مميز جدا بفضل الله" ... ويمكن آخرهم واحد قال لي: "إنت بصراحة مش لايقة عليك موظف دي، إنت تنفع مدير شركة" ... يمكن كلام زي ده تتوقعوا إنه يحمسني، لكنه والله للأسف زادني إحباط :( ... إزاي أنفع أبقى مدير شركة، وأنا مش راضيين حتى يقبلوني في وظيفة عادية :( ...
قومت اتوضيت وصليت، وقولت لربنا وأنا بأناجيه بنفس اللفظ كدة: "أنا مش عارف أتصرف يا رب، حلها من عندك" :( ... والله بدون مبالغه، في لحظتها جه الفرج :D ... قومت بصيت ع ال CV لقيت نفسي بأقول: "طيب والله معاهم حق يرفضوني، إيه ال CV اللي مش معروف صاحبه بيعرف يشتغل إيه ده؟!" -_- ...
وبدأت أدور على مواقع توظيف، وربنا أكرمني بأفضل موقعين من وجهة نظري وخبرتي معاهم الشهرين اللي فاتوا: Bayt.com, Wuzzuf.com ... لو أقولكم على كمية الاستفادة اللي حققتها من الموقعين دول مش هأخلص، ربنا يبارك في القائمين على المواقع دي ويجازيهم كل خير والله ^_^
إتعلمت بقى إنك عشان تقدم لوظيفة لازم تكون عارف هما عاوزين إيه بالظبط، وتعمل ال CV بحيث يناسب تماما اللي هما عاوزينه، بس خد لبالك ما تألفش ولا تبالغ لإنك ببساطة هتتكشف وتتفضح، وبالمناسبة ده حصل معايا في أول interview بس بلاش فضايح!! :D ...
المهم، قدمت في وظايف كتيرة جدا: Developer, Designer, TA, Trainer ... وكلموني شركات كتيرة بفضل الله تعالى وفي بعضهم حدد معايا مقابلات أونلاين ع Skype بفضل الله ^_^ ... بس للأسف، بعد الاتصالات والمقابلات، كانت النتيجة المرة دي حاجة من إتنين: يا إما إني Over Qualified أو Under Qualified ... طبعا إنتوا توقعتوا دلوقتي إيه اللي حصل!! :\ ... إنفجرت بمعنى الكلمة في البكاء :'( ... يا إخوانا حرام والله، أنا فعلا مؤهل إني أشتغل الشغلانات دي كلها، ليه ترفضوني؟ حرااااااااام :'( ...
والله فاكر اللحظة دي، كانت يوم "الجمعة" قبل المغرب بنص ساعة، قعدت أبكي، وفاكر إني ما قولتش حاجة غير: "يا الله" :'( ... جالي إلهام برده إني أجيب ورقة وقلم، وأقسمها نصين: نص أكتب فيه أنا إيه اللي مميز فيه، والنص التاني، أنا إيه اللي محتاج أقوي نفسي فيه ... وأقسم لكم بالله، كنت بأعمل الكلام ده وأنا فاقد الأمل بنسبة 99% بس قولت أكمل ... دخلت على Bayt ومسحت كل ال CVs بتاعتي وعملت CV جديد ويمكن قدرت أوصل للتخصص ده بعد موضوع الورقة :) ...
عرفت أخيرا بفضل الله تعالى أنا مميز في إيه!! ^_^ ... وإكتشفت إني شغال في الموضوع ده ليا أكتر من 5 سنين وأنا مش عارف :D ... آه والله زي مبئولك كدة >_< ... "ذلك فضل الله يؤتيه من يشاء والله ذو الفضل العظيم" ... أحبك ربي <3 ^_^
المهم عملت ال CV وبعت لكل الشركات اللي فيها التخصص ده ... ومش عاوز أقولكم بفضل الله تعالى ال Relevance كان شكله إزاي وال Ranking بتاعي في الوظايف بفضل الله ما قلش عن أول 20 واحد، بفضل الله، اللهم لك الحمد والشكر ^_^
الحمد لله، بدأت الشركات تتواصل معايا بشكل جاد جدا، وطلبوني أعمل interviews ... وفعلا سافرت وعملت مقابلات في أكتر من مكان، وكلهم بفضل الله تعالى شركات كبيرة ومحترمة وليها وزنها في السوق ... صحيح كانوا بياخدوني غسيل ومكواه في المقابلات دي :D ... بس أقسم بالله، بأبقى في قمة سعادتي وأنا عارف أجاوب على أسئلتهم وعندي ثقة في الله أولا ثم في نفسي، بصراحة إحساس رائع، ربنا يكرمكم وتجربوه ^_^ ... كل ده عشان إنت رايح تشتغل في حاجة إنت فاهمها بجد، مش بتدعي إنك فاهمها، الحمد لله ^_^ ...
صحيح يمكن لسة ما حدش من الشركات دي رد عليا لحاد دلوقتي، وده يمكن لإني شرحت لهم ظروف دراستي، وهما منتظرين إني أخلص مثلا ;) ... وحتى والله لو صرفوا نظر مش هأزعل، يكفي إني عرفت أنا عاوز إيه؟! وإيه اللي هأشتغل فيه بإذن الله تعالى، اللهم لك الحمد والشكر <3 ^_^ ...
طيب، إيه "الوصايا العشر" اللي عاوزكم تطلعوا بيها من كلامي، عشان أقولكم "تلك عشرة كاملة" زي الدكتور راغب السرجاني، ركزوا معايا:
1 - أول حاجة وأهم حاجة، إنك تستعين بالله، أقسم بربي لولا الإستعانة بالله لكنت هلكت، فالحمد لله الذي هدانا لهذا وما كنا لنهتدي لولا أن هدانا الله :)
2 - طالما توكلت على الله وسلمت أمرك ليه، يبقى تمشي في السكة اللي ربنا رسمهالك وتصبر لإن أكيد أخرها كل خير ^_^
3 - حاجة مهمة جدا، لازم تخطط لحياتك صح، تعرف إنت كويس في إيه!!، ومحتاج تقوي نفسك في إيه!!، وتعرف السوق محتاج إيه!!، وإنت بتحب إيه وعاوز تكمل فيه!!
4 - لما تعمل CV خليه موجه ومحدد لوظيفة بعينها، وخليك صادق مع نفسك في كل حرف بتكتبه فيه
5 - استخدم مواقع التوظيف زي Bayt و Wuzzuf هيساعدوك جدا، وما تنساش تولي LinkedIn اهتمام كبير جدا، وتديله من وقتك ومجهودك.
6 - لو انت في دراسة، اعرف انت عاوز إيه من قبل ما تتخرج وإشغل نفسك بيه
7 - إوعاك تفتكر إن النشاط الطلابي أو التطوع مضيعة للوقت، أقسم بالله ده هو اللي خلانا بني آدمين، وع رأي المثل: "اللي ما اشتغلش Volunteer فاته كتير" :D
8 - إتعلم، ما تخليش يوم يعدي عليك من غير ما تتعلم :)
9 - اشترك في أي internship روح وافرض نفسك ع الشركات ما تقولش مش هيقبلوني، قدم وارمي تكالك على الله، وعمره ما هيسيبك
10 - أخيرا ... إتعلم تسوق لنفسك صح، تعرف إزاي تظهر مزاياك للشخص اللي قدامك أكتر من عيوبك، لو عندك انجازات حتى ولو صغيره إعرضها، خللي عندك ثقة في نفسك وفي الله اتعالى ، وما تخليش حدود لثقتك في الله ^_^
دلوقتي أنا منتظر الشركات تتواصل معايا عشان تبلغني بموقفي، وفي نفس الوقت داخل على امتحانات الماستر ... فبالله عليكم، إذا كان حد استفاد بأي حاجة أنا قولتها في البوست ده، ياريت ما ينسانيش من دعوة صالحة "بظهر الغيب"، وله بمثل إن شاء الله ^_^
بأعتذر عن الإطالة دي جدا، بس هو الموضوع في تفاصيل كتيرة خالص وأنا حاولت أختصر فيه على قد ما قدرت والله، وإن شاء الله هيجي تفصيله في كورس كامل هأجهزه لكم قريب بإذن الله تعالى، وإن شاء الله ينال إعجابكم جميعا ^_^
لا تنسوني من دعوة صالحة بظهر الغيب ^_^
تعليقات
إرسال تعليق